ភ្នំពេញ៖ លោកសុខ សេរី អ្នកយកព័ត៌ មានស្ថានីយ៍ទូរទស្សន៍អាស៊ីអាគ្នេយ៍ និងជាអតីតអ្នកយកព័ត៌មានឲ្យវិទ្យុអាស៊ីសេរី បានទទួលមរណភាព កាលពីព្រឹកថ្ងៃទី១៥ ខែមីនា ឆ្នាំ២០១៥ ដោយរោគប្រចាំកាយ។
លោកសុខ សេរី មានជំងឺសួតប្រចាំកាយអស់រយៈពេលជាច្រើនឆ្នាំមកហើយ។ មុនពេលទទួល មរណ ភាព លោកសេរី ដែលមានអាយុ៤៣ឆ្នាំ បានចូលសម្រាកនៅមន្ទីរដោយសង្គ្រោះបន្ទាន់ផងដែរ។ សពលោកសេរី កំពុងតម្កល់នៅវត្តឧត្តរាវតី ក្នុងខណ្ឌឬស្សីកែវ។
មិត្តរួមអាជីព នៅស្ថានីយ៍ទូរទស្សន៍អាស៊ីអាគ្នេយ៍ បានប្រាប់ថា លោកសុខ សេរី មានជំងឺបេះដូង និងជំងឺសួត ហើយជំងឺរបស់លោក បានចាប់ផ្តើមធ្ងន់ធ្ងរ ប្រហែលជាមួយសប្តាហ៍ទៅ ១០ថ្ងៃមកហើយ។ លោក សុខ សេរី បានផ្អាកការងារ នៅ
ស្ថានីយ៍ទូរទស្សន៍អាស៊ីអាគ្នេយ៍ ប្រហែលជា ៧ថ្ងៃមកហើយ។ លោកសេរី បានចូលមកសម្រាកព្យាបាលជំងឺ នៅមន្ទីរពេទ្យកាល់ម៉ែ ប្រហែលជាងមួយសប្តាហ៍ មកហើយ។
សូមបញ្ជាក់ថា លោកសុខ សេរី ធ្លាប់បំរើការងារជាអ្នកយកព័ត៌មានឲ្យវិទ្យុអាស៊ីសេរី ជាង ១០ឆ្នាំ៕
