ភ្នំពេញ៖ ភោគជនីយដ្ឋាន “ម្លប់ស្បូវ ក្លាសស៊ីក” កំពុងតែសាងសង់ស្រាប់តែជាងផ្សារដែកធ្លាក់កំទេចដែកផ្សារលើជញ្ជាំងស្បូវបណ្តាលអោយឆាបឆេះចេះជាអណ្តាតភ្លើងតែសំណាងល្អត្រូវបានអ្នកជិតខាងយកបំពងបាញ់ពន្លត់អគ្គិយភ័យទាន់ពេលវេលា ហេតុការណ៍នេះបានបង្កអោយមានការភ្ញាក់ផ្អើលកាលពីវេលាម៉ោង ១៣និង៤០នាទីរសៀលថ្ងៃទី១៩ខែធ្នូឆ្នាំ២០១៧ នៅក្នុងភោគជនីយដ្ឋានយីហោ “ម្លូបស្បូវ ក្លាសស៊ីក” ដែលស្ថិតនៅតាមបណ្តោយផ្លូវ៤៥៤ សង្កាត់ទួលទំពុង១ ខណ្ឌចំការមន រាជធានីភ្នំពេញ។
ប្រភពពីកន្លែងកើតហេតុបានអោយដឹងថា នៅមុនពេលកើតហេតុគឺមានជាងផ្សារដែកប្រមាណ៣-៤នាក់បានកំពុងផ្សារដំបូលនៅក្បែរជញ្ជាំងស្បូវ ភ្លាមនោះស្រាប់តែមានភ្លើងឆាបឆេះជញ្ជាំងនោះតែម្តង ហើយប្រជាពលរដ្ឋបាននាំគ្នាដងទឹកជះ និងបានយកបំពងពន្លត់អគ្គិភ័យបាញ់អស់ចំនួន៤បំពងទើបរលត់ជាស្ថាពរ ទើបមិនបណ្តាលអោយឆេះរាលដាលដល់ផ្ទះប្រជាពលរដ្ឋនៅក្បែរនោះឡើយ។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់ភ្លាមៗ ដោយសារតែស្ថានភាពអាចគ្រប់គ្រងបានទើបមិនមានរថយន្តពន្លត់អគ្គិភ័យទេ៕ បក្សីចាំក្រុង
