ភ្នំពេញ ៖ នាយករដ្ឋមន្ត្រីចិន លោក លី គឺឈាំង នឹងមកទស្សនកិច្ចនៅកម្ពុជានៅក្នងសប្តាហ៍ក្រោយនេះ និងដើម្បីចូលរួមកិច្ចប្រជុំមេគង្គ.ឡានឆាង លើកទី២ នៅកម្ពុជាដែលមានប្រទេសក្នុងតំបន់អាស៊ានចំនួន៥ចូលរួម។
ក្នុងអំឡុងនៃដំណើរទស្សនៈរបស់នាយករដ្ឋមន្ត្រីនៃសាធារណរដ្ឋប្រជាមានិតចិន ពេលនេះ កម្ពុជានាយករដ្ឋមន្ត្រីកម្ពុជា បានថ្លែងដោយរំពឹងថា នឹងនាំមកនូវអ្នកវិនិយោគចិន ជាច្រើន ដើម្បីស្វែងរកឱកាសដាក់ទុនវិនិយោគ នៅកម្ពុជា។
ចាប់ផ្តើមចេញដំណើរនៃឆ្នាំសកលថ្មីឆ្នាំ២០១៨ កម្ពុជា នឹងរៀបចំបើកទ្វារមាតុភូមិរបស់ ខ្លួន ដើម្បីទទួលស្វាគមន៍នាយករដ្ឋមន្ត្រីចិន ឯ.ឧ លី គឺឈាំង (Li Keqiang) ដែលនឹងគ្រោង អញ្ជើញមកបំពេញទស្សនកិច្ចជាផ្លូវការនៅកម្ពុជា នាសប្តាហ៍ក្រោយ។ នេះបើតាមការអះអាងរបស់ លោក ជុំ សុន្ទរី អ្នកនាំពាក្យក្រសួងការបរទេសកម្ពុជា។
សូមជម្រាបថា ដំណើរទស្សនកិច្ចនេះ គឺដើម្បីចូលរួមកិច្ចប្រជុំមេគង្គ-ឡានឆាង លើកទី២ ដែលកម្ពុជា នឹងធ្វើជាម្ចាស់ផ្ទះ ចាប់ពីថ្ងៃទី១០ ដល់ថ្ងៃទី១២ ខែមករា ដែលមានប្រទេស ក្នុងតំបន់ អាស៊ានចូលរួមមួយចំនួន ដូចជា៖ ចិន វៀតណាម មីយ៉ាន់ម៉ា ថៃ និងឡាវ ។
គណនីហ្វេសបុកៀផ្លូវការរបស់សម្តេចនាយករដ្ឋមន្ត្រីតេជោ ហ៊ុន សែន នៅថ្ងៃទី២ ខែ មករា នេះ បានបញ្ជាក់ថា ចូលឆ្នាំសកលថ្មី២០១៨ កម្ពុជាកំពុងតែបោះជំហានទៅមុខ ជាមួយនឹង ការីកចម្រើន។ រីកចម្រើនដោយសាស្ថេរភាពនយោបាយ និងលំនឹងនៃកំណើនសេដ្ឋកិច្ចជាតិកម្ពុជា បានទាក់ទាញវិនិយោគទុនបរទេសជាច្រើន ជាពិសេសមកពីប្រទេសចិន។ ចំណែកដំណើរទស្សន កិច្ចរបស់នាយករដ្ឋមន្ត្រីចិន នៅសប្តាហ៍ក្រោយនេះ សម្តេចរំពឹងថា នឹងមានអ្នកវិនិយោគគិនចិនជា ច្រើនមករកឱកាសដាក់ទុនវិនិយោគនៅក្នុងប្រទេស។ដូច្នេះឆ្នាំថ្មី២០១៨ គឺកម្ពុជានឹងបន្តរីកចម្រើន ទៅមុខទាំងអស់គ្នាក្រោមដំបូលសន្តិភាព។
គួររំលឹកផងដែរថា បច្ចុប្បន្នចិន គឺជាប្រទេសដែលមានការវិនិយោគធំជាងគេនៅកម្ពុជា គិតត្រឹមឆ្នាំ២០១៦ វិនិយោគរបស់ចិនកើនដល់ ៥ពាន់១រយលានដុល្លារអាមេរិក ក្នុងនោះ ផ្តោតលើ វិស័យមួយចំនួនដូចជា សំណង់ វាយនភ័ណ និងអគ្គិសនី។ ចំពោះវិស័យនយោបាយវិញ ចិន ត្រូវ បានកត់សម្គាល់ថា ជាប្រទេសទី១ ដែលបានប្រកាសគាំទ្រយ៉ាងរឹងមាំដល់រាជរដ្ឋាភិបាលកម្ពុជា ពិសេស ការប្រកាសផ្តល់ជំនួយដល់ដំណើរការរៀបចំការបោះឆ្នោតនៅកម្ពុជា បន្ទាប់ពីសហភាព អឺរ៉ុប និងសហរដ្ឋអាមេរិក បានប្រកាសផ្តាច់ជំនួយ និងចំពោះវិធានការរំលាយគណបក្សសង្គ្រោះ ជាតិ ពាក់ព័ន្ធនឹងអំពើក្បត់ជាតិរបស់លោក កឹម សុខា៕
