ព្រះសីហនុ ៖ សណ្ឋាគារថ្មីមួយមិនទាន់មានឈ្មោះត្រូវបានកម្មករសំណង់ជាច្រើននាក់តវ៉ា រឿងមិនបើកប្រាក់ខែអោយពួកគាត់ខណៈពេលដែលកម្មករទាំងនោះអត់លុយទិញបាយហូប នៅក្នុងសកម្មភាពតវ៉ានោះកម្មករបានឃាត់ទុករថយន្តម៉ាកឡង់គ្រឹសរ័ សេរីចាស់១គ្រឿងនិងម៉ូតូមួយគ្រឿងក្នុងគោលបំណងស្វែងរកដំណោះស្រាយ។
ករណីនេះកើតឡើងក្នុងការដ្ឋានសណ្ឋាគារថ្មីមួយកន្លែង(មិនទាន់មានឈ្មោះ)ស្ថិតនៅតាមផ្លូវសណ្ឋាគារវិមានខ្សាច់ស អូរឈើទាលក្នុងសង្កាត់លេខ៤ក្រុងព្រះសីហនុ កាលពីល្ងាចថ្ងៃទី៥ខែធ្នូឆ្នាំ២០១៨។
តំណាងកម្មករ ដែលអះអាងថា ពួកគេមានការខកខានមិនបានបើកប្រាក់ខែ និងគ្មានដំណោះស្រាយ។
ទោះជាយ៉ាងនេះក្តី នៅពុំទាន់ទទួលបានការបំភ្លឺពីភាគីអ្នកទទួលខុសត្រូវខាងម្ចាស់សំណង់ និងការបញ្ជាក់បន្ថែមពីសមត្ថកិច្ចទៅលើរឿងហេតុនេះនៅឡើយគិតត្រឹមម៉ោង១១ព្រឹក ថ្ងៃទី០៦ ខែ កុម្ភៈ ឆ្នាំ២០១៨នេះ៕
