ព្រះសីហនុ ៖ រដ្ឋបាលខេត្តព្រះសីហនុបង្កើតក្រុមការងារគណៈកម្មការចុះរុះរើរោងសំណាក់សំរាប់តាំងរូបសំណាកព្រះនាងគង់ស៊ីអ៊ីម ដែលបានធ្វើល្មើសច្បាប់លើដីចំណីឆ្នេរសមុទ្រ។
ក្រុមការងារគណៈកម្មការត្រួតពិនិត្យការអភិវឌ្ឍ និងសំណង់តំបន់ឆ្នេរ បានចុះរុះរើរោងសំណាក់សំរាប់តាំងរូបសំណាកព្រះនាងគង់ស៊ីអ៊ីម ដែលបានធ្វើល្មើសច្បាប់លើដីចំណីឆ្នេរ ។
នៅថ្ងៃទី១៣ ខែកុម្ភៈ ឆ្នាំ២០១៨ ក្រុមការងារចម្រុះដឹកនាំដោយលោក លី ចិត្តនិយម អនុប្រធានអចិន្ត្រៃយ៍ ក្រុមការងារត្រួតពិនិត្យការអភិវឌ្ឍ និងសំណង់តំបន់ឆ្នេរ បានចុះរុះរើរោងសំណាក់សំរាប់តាំងរូបសំណាកព្រះនាងគង់ ស៊ីអ៊ីម ដែលបានធ្វើលើដីចំណីឆ្នេរ ស្ថិតនៅភូមិ៥ សង្កាត់លេខ៤ ក្រុងព្រះសីហនុ ទីតាំងក្បែរអតីតព្រះរាជដំណាក់ឆ្នេរអូរឈើទាល របស់ ឈ្មោះ ឡី បណ្តូល ដែលបានសាងសង់លើតំបន់ហាមឃាត់ មិនមានការសុំអនុញ្ញាតពីមន្ទីរធម្មការ និងសាសនា ព្រមទាំងសាងសង់ដោយគ្មានលិខិតអនុញ្ញាតសាងសង់។
គួររម្លឹកផងដែរថាកាលពីថ្ងៃទី១០ ខែកុម្ភៈ ឆ្នាំ២០១៨ ក្រុមការងារចម្រុះដឹកនាំដោយលោក លី វ៉ាន់ដា ប្រធានក្រុមការងារបានចុះទៅហាមឃាត់ និងធ្វើកំណត់ហេតុឱ្យម្ចាស់សំណង់រុះរើចេញជាបន្ទាន់ ប៉ុន្តែរហូតដល់ព្រឹកថ្ងៃទី១៣ ខែកុម្ភៈ នេះ ម្ចាស់សំណង់មកទាន់រុះរើចេញតាមការណែនាំរបស់ក្រុមការងារនៅឡើយ ទើបរដ្ឋបាលខេត្តព្រះសីហនុ ដាក់កម្លាំងចុះទៅរុះរើសំណង់នោះចេញ៕
