ខេត្តព្រះសីហនុ ៖ ស្ត្រីភ្ញៀវទេសចរជនជាតិអង់គ្លេសម្នាក់ កាលពីព្រឹកដ្ងៃទី២០ ខែកុម្ភៈ ឆ្នាំ២០១៨ ត្រូវសត្វក្របី របស់ប្រជាពលរដ្ឋរស់នៅលើកោះរ៉ុងសន្លឹម ក្រុង-ខេត្តព្រះសីហនុវ័ធអោយរងរបួសធ្ងន់ បញ្ជូនមកសង្រោះបន្ទាន់នៅមន្ទីរពេទ្យ។
សមត្ថកិច្ចនគរបាលប្រចាំការនៅលើកោះរ៉ុងសន្លឹម បានអោយដឹងថា ស្ត្រីរងគ្រោះមាន ឈ្មោះ Chids Fiona ភេទស្រី អាយុ ៤៨ឆ្នាំ ជនជាតិអង់គ្លេស ខណ:កំពុងដើរកំសាន្តនៅលើកោះរ៉ុងសន្លឹម បាន ជួបក្របីអ្នកស្រុក ដែលលែងចោលនៅលើកោះ ក៏ត្រូវក្របីដេញវ័ធរបួសជើងទាំងពីរធ្ងន់ធ្ងរ។
ក្រោយពេលកើតហេតុ ស្ត្រីរងគ្រោះត្រូវបានសមត្ថកិច្ចជួយអន្តរាគមន៍ដឹកតាមអូប័រចេញពីកោះរ៉ុង មកដល់ដីគោកក្រុងព្រះសីហនុ ដើម្បីសង្គ្រោះនៅមន្ទីរពេទ្យរួចហើយ នៅរសៀលថ្ងៃទី២០ ខែកុម្ភៈ ឆ្នាំ២០១៨នេះ។ កម្លាំងនគរបាល អោយដឹងថា បន្ទាប់ ពីដឹកមកដល់ដីគោកត្រង់ចំណុចផែទូកជិតកំពង់ផែរួចមក ជនរងគ្រោះក៏ត្រូវបានរថយន្តសង្គ្រោះ ដឹកយកទៅកាន់មន្ទីរពេទ្យបង្អែកខេត្តព្រះសីហនុ ដើម្បីទទួលបានព្យាបាលភ្លាមៗដែរ៕
