កណ្តាល៖ មន្ដ្រីសាលាខេត្ដកណ្ដាលនៅព្រឹក ថ្ងៃទី០២ ខែមេសា បានឱ្យដឹងថា តាមការគ្រោងទុក លោក អៀម សម័យ អភិបាលក្រុងតាខ្មៅ នឺងត្រូវប្រកាសដកតំណែង នៅរសៀលម៉ោង២ ថ្ងៃទី០៣ ខែមេសា ឆ្នាំ២០១៥ នេះ ហើយជំនួសដោយលោក ហេង ធៀម អភិបាលស្រុកកៀនស្វាយ។
ដោយឡែកលោក អ៊ូ ឈាង ជាប្រធាន ក្រុមប្រឹក្សាស្រុកកៀនស្វាយក៏ត្រូវបាន តែងតាំងជាអភិបាលស្រុកកៀនស្វាយ ជំនួសលោកហេង ធៀម ផងដែរ។
គួររំលឹកថា លោក អៀម សម័យ អតីតអភិបាលក្រុងតាខ្មៅ មានរឿងមិន ប្រក្រតីជាច្រើនក្នុងតំណែងដែលសមត្ថកិច្ចបានលើកឡើងថា គ្រាន់តែមន្ដ្រីនគរបាលចរាចរណ៍ឃាត់រថយន្ដដឹកដីបំផ្លាញ ផ្លូវ ដើម្បីយកមកអប់រំ ក៏មានវត្ដមាន លោកអៀម សម័យ ចេញមុខឱ្យដោះ លែង ក្នុងនាមជាគណៈបញ្ជាការឯកភាពក្រុង បំបាក់មុខកូនចៅដែលជាសមត្ថកិច្ច ហើយថ្មីៗនេះផងដែរ លោកអៀម សម័យ ក៏រងនូវការស្ដីបន្ទោសយ៉ាងធ្ងន់ៗពីលោក ហ៊ីង ប៊ុនហៀង មេបញ្ជា ការកងអង្គរក្សលោកនាយករដ្ឋមន្ដ្រី ខណៈដែលបុគ្គលរូបនេះ បានប្រើប្រាស់ ថាខ្លួនជាជំនួយការនោះ ។
ម្យ៉ាងវិញទៀត ការស្ដីបន្ទោសនេះ បញ្ជាការដ្ឋានកង អង្គរក្ស ក៏បានចេញលិខិតបដិសេធមិន ទទួលស្គាល់ឈ្មោះអៀម សម័យ នេះជា ទីប្រឹក្សាលោក ហ៊ីង ប៊ុនហៀង នោះឡើយ ៕
