ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីមហាផ្ទៃបាន បានបញ្ជាទៅអគ្គនាយកដ្ឋានអន្តោប្រវេសន៍ឲ្យបង្កើនសកម្មភាពត្រួតពិនិត្យ និងដកហូតឯកសារជនបរទេសកាន់កាប់ដោយខុសច្បាប់នៅកម្ពុជា។
អគ្គនាយកដ្ឋាន អន្តោប្រវេសន៍បានជំរឿនរកឃើញជនបរទេសអន្តោប្រវេសន៍សរុបចំនួន ៤៦.៧៧៦គ្រួសារ មនុស្សចំនួន១៧ម៉ឺន ៦ពាន់ ៨១២នាក់ ក្នុងនោះជនបរទេស កាន់ប្រើប្រាស់ឯកសាររដ្ឋបាលកម្ពុជាមិនប្រក្រតីចំនួន ២០.២១៨គ្រួសារ។
ថ្លែងនៅក្នុងពិធីបិទសន្និបាតបូកសរុបលទ្ធផលការងារឆ្នាំ២០១៧ និងទឹស ដៅការងារឆ្នាំ២០១៨ របស់អគ្គនាយកដ្ឋានអន្តោប្រវេសន៍នៅរសៀលថ្ងៃអង្គារ នេះសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហា ផ្ទៃបានបញ្ជាទៅសមត្ថកិច្ចជំនាញ និងអគ្គនាយកដ្ឋានអន្តោប្រវេសន៍ត្រូវបង្កើន សកម្មភាពត្រួតពិនិត្យ និងធ្វើការដកហូតឯកសារមិនប្រក្រតីរបស់ជនបរទេស ដែលកំពុងរស់នៅ និងធ្វើការនៅទឹកដីកម្ពុជាទៅតាមគោលការណ៍ច្បាប់ដែល មានស្រាប់។
សម្តេចក្រឡាហោម ស ខេង ក៍បានជម្រុញឲ្យសមត្ថកិច្ចនៅតាម ច្រកព្រំដែននីមួយនៅជាប់ព្រំដែនត្រូវបង្កើនសកម្មភាពក្នុងការត្រួតពិនិត្យជន បរទេសឲ្យម៉ត់ចត់ និងត្រឹមត្រូវមុននឹងអនុញ្ញាតិឲ្យទឹកដីកម្ពុជា។ សម្តេចក៍បានព្រមានផងដែរចំពោះមន្ត្រីអត្រានុកូលដ្ឋាន រឺមន្ត្រីប៉ុស្តិ៍ណាដែលហ៊ានចេញ បណ្ណ័ស្នាក់នៅ និងលួចធ្វើអត្តសញ្ញាណប័ណ្ណឲ្យជនបរទេសរស់នៅទឹកដីកម្ពុជាបើរកឃើញមន្ត្រីនោះនឹងទទួលខុសត្រូវចំពោះមុខច្បាប់។
គួរបញ្ជាក់ថា អគ្គនាយកដ្ឋានអន្តោប្រវេសន៍ បានធ្វើជំរឿនរកឃើញជនបរទេសអន្តោប្រវេសន៍នៅកម្ពុជាសរុបចំនួន ៤ម៉ឺន៦ពាន់ ៧៧៦គ្រួសារ ស្មើនឹងប្រមាណ១៧ម៉ឺន៦ពាន់៨១២នាក់ ស្រី៧៩.៧២៨នាក់ ក្នុងនោះជនបរទេសបែបអន្តោប្រវេសន៍កាន់ប្រើប្រាស់ឯកសាររដ្ឋបាលកម្ពុជាមិនប្រក្រតីចំនួន២០.២១៨គ្រួសារមនុស្ស៧៣.៣៩៧នាក់ស្រី៣៥.៨៨៨នាក់ មាន៥សញ្ជាតិលើ៧ប្រភេទឯកសារៈសៀវភៅស្នាក់នៅចំនួន១៨.៥៨០ក្បាល សៀវភៅគ្រួសារចំនួន ២.១៧៧ក្បាល សំបុត្រកំណើតចំនួន ១១.៣៣៦ច្បាប់ សំបុត្រអាពាហ៍ពិពាហ៍ចំនួន២៤១ក្បាល អត្តសញ្ញាណប័ណ្ណសញ្ជាតិខ្មែរចំនួន៦.៧២២ក្បាល លិខិតឆ្លងដែននៃព្រះរាជាណាចក្រកម្ពុជាចំនួន៦៣២ក្បាល និងប័ណ្ណសម្គាល់កម្មសិទ្ធិអចលនវត្ថុចំនួន៤១ប័ណ្ណ៕
