ភ្នំពេព ៖ បច្ចុប្បន្ននេះយ៉ាងហោចណាស់មានស្ត្រីប្រមាណជាង ១៨លាននាក់ កំពុងរស់នៅជា មួយមេរោគអេដស៍ ក្នុងនោះមានជាងពាក់កណ្តាល ដែលមានអាយុ ១៥ឆ្នាំ និងអ្នកមានអាយុ ១៥ ទៅដល់២៤ឆ្នាំ ប្រហែលជាង ៦០% ស្ថិតក្នុងចំណោមស្ត្រីដែលរស់នៅជាមួយមេរោគ អេដស៍។
នេះតាមការការប្រកាសរបស់អង្គការសុខភាពពិភពលោក ហើយត្រូវបានអង្គការ
ថែទាំងសុខភាពអ្នកជំងឺអេដស៍ប្រចាំកម្ពុជា យកមកផ្សព្វផ្សាយបន្តនៅក្នុងការប្រារព្ធទិវាអន្តរ
ជាតិនារី ៨ មីនា នាព្រឹកថ្ងៃទី៧ ខែមីនា ឆ្នាំ២០១៨នេះ ដោយមាននារីបំរើការនៅតាមក្លឹប កម្សាន្តសប្បាយនានាជាង ១០០នាក់ចូលរួម។
លោកវេជ្ជបណ្ឌិត ស្រី វណ្ណធួន ប្រធានកម្មវិធីអង្គការថែទាំងសុខភាពអ្នកជំងឺអេដស៍ ប្រចាំកម្ពុជាថ្លែងថា អង្គការថែទាំងសុខភាពអ្នកជំងឺអេដស៍បានខិតខំប្រឹងប្រែងអំពាវនាវដល់ អ្នកធ្វើសេចក្តីសម្រេចចិត្ត ស្ថាប័ន ផ្នែកឯកជន និងប្រជាជនទាំងអស់ទូទាំងពិភពលោកអោយ ជួយបំពេញនូវចំណុចខ្វះខាតនានា និងធ្វើអោយប្រាកដថា ស្ត្រីទាំងអស់ត្រូវតែទទួលបានការ សង្គ្រោះជីវិត ការធ្វើតេស្តឈាម ការបង្ការមេរោគអេដស៍ និងការព្យាបាល។ លោកថា មានស្ត្រី រស់នៅជាមួយមេរោគអេដស៍ជាច្រើននៅតាមបណ្តាប្រទេសនានា មិនបានទទួលសិទ្ធិពេញ
លេញក្នុងការទទួលបានការព្យាបាល ហើយថែមទាំងត្រូវបានគេរើសអើង និងមាក់ងាយថែម ទៀតផង។
ក្នុងឱកាសនេះតំណាងមជ្ឈមណ្ឌលជាតិប្រយុទ្ធជំងឺអេដស៍ សើស្បែក និងកាមរោគ លោកស្រីវេជ្ជបណ្ឌិត លី សិលាមុនី បានដាស់តឿនដល់ពលរដ្ឋខ្មែរទូទៅអោយមានការប្រុង ប្រយ័ត្នក្នុងការការពារខ្លួនពីការចម្លងមេរោគអេដស៍ ជាពិសេសបណ្តានារីបំរើនៅតាមសេវា កម្សាន្តសប្បយនានា។ ជាមួយគ្នានេះលោកស្រីវេជ្ជបណ្ឌិតបានសម្តែងនូវការអបអរសាទរ យ៉ាងក្លៀវក្លាចំពោះទិវាអន្តរជាតិនារី ៨ មីនា ដែលជាការរំលឹកឡើងវិញអំពីការតស៊ូរបស់នារី នៅលើពិភពលោកដើម្បីសិទ្ធិ សេរីភាពរបស់ពួកគេ៕
