ភ្នំពេញ ៖ ជនដៃដល់ដែលសម្លាប់ស្ត្រីម្នាក់ញាត់ដាក់ក្នុងធុងទឹកកករួចដឹកយកទៅប្លុងចោលនៅក្បែរស្ពានព្រែកតាម៉ាក ក្នុងស្រុកខ្សាច់កណ្តាល ខេត្តកណ្តាល ត្រូវបានសមត្ថកិច្ចចម្រុះនៃក្រសួងមហាផ្ទៃ ធ្វើការឃាត់ខ្លួនបានហើយ នៅវេលាម៉ោងប្រមាណ៥ល្ងាច ថ្ងៃទី១៨ ខែមីនា នេះ ហើយមន្ត្រីនគរបាលបាននាំជនសង្ស័យទៅបង្ហាញផ្ទះជួលដើម្បីបន្តឆែកឆេររកវត្ថុតាងផ្សេងទៀត ស្ថិតនៅក្នុងភូមិដីថ្មី សង្កាត់គោកឃ្លាង ខណ្ឌសែនសុខ ។នៅទីនោះ សមត្ថកិច្ចបាន់ឃាត់ខ្លួនស្ត្រីជាប្រពន្ធជនដៃដល់ រួមនិងប្អូនប្រុសជនដៃដល់ម្នាក់នាំទៅសាកសួរផងដែរ។សមត្ថកិច្ចឲ្យដឹងថា ជនដៃដល់ដែលត្រូវបានឃាត់ខ្លួននេះ ឈ្មោះ សឿ សុផេង អាយុ ៣១ ឆ្នាំ ជាជាងជួសជុលទូរស័ព្ទ មានលំនៅផ្ទះជួល ក្នុងភូមិដីថ្មី សង្កាត់គោកឃ្លាង ខណ្ឌសែនសុខ ។
តាមព័ត៌មានអោយដឹងថា ឃាតកររូបនោះត្រូវបានកម្លាំង នគរបាលឃាត់ខ្លួន កាលពីវេលាម៉ោង ១០ព្រឹកថ្ងៃទី១៨ ខែមិនា នៅចំណុច ផ្ទះរបស់ម្តាយ នៅក្នុងភូមិ ស្លែងរលើង សង្កាត់អូបែកក្អម ខណ្ឌសែនសុខ រួមជាមួយប្អូន ប្រុសម្នាក់ ឈ្មោះ សឿ ចាន់អូន អាយុ ២៥ឆ្នាំ ផងដែរ។
លោក វរៈសេនីយ៍ឯក ជាវ វិបុល នាយការិយាល័យនគរបាលកំរិតធ្ងន់នៃនាយកដ្ឋាននគរបាលព្រហ្មទណ្ឌកក្រសួងមកហាផ្ទៃ បានអោយដឹងថា ដោយមានការ សហការណ៍ជាមួយនគរបាលខេត្តកណ្តាល និងខណ្ឌសែនសុខ សមត្ថកិច្ចក៍ឈានទៅឃាត់ខ្លួនជនដៃដល់ដែលបានសម្លាប់ស្ត្រីរងគ្រោះដាក់ក្នុងធុងទឹកកក យកទៅបោះចោល នៅក្បែរស្ពានព្រែកតាម៉ាក់ ។
គួររំលឹកថា ស្ត្រីរងគ្រោះឈ្មោះ យឿន ធានី អាយុ២៨ឆ្នាំ ជាអតីតពលការីនីនៅប្រទេសកូរ៉េ មានស្រុកកំណើតនៅភូមិក្រូចសើច ឃុំហាន់ជ័យ ស្រុកកំពង់សៀ ម ខេត្តកំពង់ចាម ត្រូវឃាតករដៃឆៅបានកាប់ចិញ្ច្រាំយកសពដាក់ក្នុងធុងទឹកកក ទាំងខ្លួន អាក្រាត ហើយយកទៅប្លុងចោលក្នុងស្រុកខ្សាច់កណ្ដាល បង្កឱ្យមានការភ្ញាក់ផ្អើលកាលពីរសៀលថ្ងៃទី១៦ ខែមីនា ឆ្នាំ២០១៨ ។បន្ទាប់ពីមានការភ្ញាក់ភ្សមត្ថកិច្ចក៍បានចុះទៅកន្លែងកើតហេតុធ្វើការស្រាវជ្រាស្គាល់អត្តសញ្ញាណស្ត្រីរងគ្រោះ ហើយឈានទៅដល់ការឃាត់ខ្លួនជនដៃដល់តែម្តង ។តាមព័ត៌មានអោយដឹងថា ស្ត្រីរងគ្រោះជាពលករដែលទើបតែមកពីប្រទេសកូរ៉េ និងធ្លាប់ស្គាល់គ្នាជាមួយជនដៃដល់។ ទាក់ទិនឃាតកម្មនេះ ជនដៃដល់បានសម្លាប់ស្ត្រីដោយសារតែរឿងគំនុំ និងសម្លាប់ប្លន់យកម៉ូតូម៉ាកស្យ៉ូមម័រមួយគ្រឿង ,គ្រឿងអលង្ការ និងទូរស័ព្ទមួយគ្រឿង យកទៅអោយស្ត្រីជាប្រពន្ធប្រើប្រាស។ឃាតករ ដៃដល់ថ្មីៗនេះក៏ជាជនដែលលង់នឹងល្បែងខ្លាំងក្លាណាស់ដែរ ។
តាមព័ត៌មានពីមន្ត្រីសមត្ថកិច្ចបានអោយដឹងថា ជនសង្ស័យ បានរៀបចំគម្រោងសម្លាប់ជនរងគ្រោះ ដោយគិតទុកជាមុន ដោយទិញធុងទឹកកកនៅតាមផ្លូវតំបន់ភ្នំពេញហាណូយ ទុកជាមុន ហើយនៅថ្ងៃទី១៦ ខែមិនា ជនដៃដល់ក៍បានទាក់ទងហៅជនរងគ្រោះទៅផ្ទះរបស់ខ្លួន ហើយធ្វើសកម្មភាពឆក់់ខ្សែភ្លើងជនរងគ្រោះ ហើយកាប់ថែមជនរងគ្រោះ រួចច្រកដាក់ក្នុងធុងទឹកកករួចដឹកតាមម៉ូតូម៉ាកហុងដាសេ១២៥ ពាក់ស្លាកលេខ ភ្នំពេញ១GW៩០២៧ យកទៅបោះចោលតែម្តង។ ទោះបីជាយ៉ាងណា នគរបាលពុំទាន់ផ្តល់ព័ត៌មានលំអិតឡើយ៕
