ខេត្តកំពង់ចាម ៖ រថយន្តកូរ៉េចំណុះ២តោនកន្លះ របស់វង់តន្ត្រី «ភារៈតន្ត្រីសម័យភូមិថ្មសំលៀង» ពាក់ស្លាកលេខភ្នំពេញ ពាក់ស្លាលេខភ្នំពេញ3C-1189 បានបើកចុះទួលភ្នំប្រុសដោយដាក់លេខមិនចូលហើយ
ល្បឿនរាងលឿនផងនោះ ក៏បានក្រឡាប់ចាក់ទាំងមនុស្ស និងសំភារៈចោល។ ហេតុការណ៍នេះកើតឡើងនៅ
វេលាម៉ោង១១ព្រឹកថ្ងៃទី១៦ ខែឧសភា ២០១៨ ត្រង់ចំណុចមុខរូបហង្ស ស្ថិតនៅភូមិអណ្តូងច្រុះ ឃុំអំពិលស្រុកកំពង់សៀម បណ្តាលឲ្យក្រុមតន្ត្រីកររួមទាំងក្មេងដែលរួមដំណើរជាមួយចំនួន១៥នាក់ បានរងរបួសធ្ងន់ និងស្រាល ត្រូវបានបញ្ជូនមកសង្គ្រោះនៅមន្ទីរពេទ្យជាបន្ទាន់ផងដែរ ។
លោកវរសេនីយ៍ឯក ឯក ប៉ាន់ដន អធិការនគរបាលស្រុកកំពង់សៀមប្រាប់ឲ្យដឹងថា រថយន្តនេះនៅ
ពេលមុនកើតហេតុគេបានឃើញបើកចេញតាមផ្លូវចន្លោះភ្នំប្រុសភ្នំស្រី ដោយបានបើកចុះមកតិចៗត្រ
ងផ្លូវឡើងទៅកាន់ភ្នំប្រុសនោះ គ្រាន់នោះអ្នកបើកបររថយន្តឈ្មោះ ប៊ុត រុន ភេទប្រុស អាយុ៣៥ឆ្នាំ
នៅភូមិថ្មសំលៀង ឃុំមៀន ស្រុកអូររាំងឪ ខេត្តត្បូងឃ្មុំ បានសាងលេខតែដាក់មិនចូលនោះទេ ។
អធិការនគរបាលស្រុកកំពង់សៀមប្រាប់បន្តថា ក្នុងពេលនោះដោយសារតែផ្លូវចុះចំណោតផងរថយន្ត
កាន់តែលឿនចុះមកក្រោម ស្របពេលដែលមកដល់ត្រង់មុខហង្សនោះ អ្នកបើកបររថយន្តបានប្រឹង
បួងចង្កូតរថយន្តក៏ស្រាប់តែក្រឡាប់ផីងតែម្តង ។ បណ្តាលឲ្យតន្ត្រីករប្រុសស្រីរួមទាំងក្មេងៗដែលមាន
ចំនួនរហូតដល់ទៅ១៥នាក់ បានរងរបួសធ្ងន់និងស្រាលត្រូវបានគេដឹកមក សង្គ្រោះជាបន្ទាន់នៅមន្ទីរ
ពេទ្យ។ ក្នុងនោះមានក្មេងប្រុសម្នាក់ឈ្មោះ ប្រុស កេត អាយុ៨ឆ្នាំ ត្រូវបានបញ្ជូនទៅសង្គ្រោះនៅមន្ទីរ
ពេទ្យគន្ធបុប្ជា រាជធានីភ្នំពេញផងដែរ ។
លោកវរសេនីយឯក ប៉ាន់ ដន អធិការនគរបាលស្រុកកំពង់សៀមបញ្ជាក់ថា អ្នករងគ្រោះទាំង១៥នាក់
រស់នៅភូមិឃុំជាមួយគ្នានឹងអ្នកបើកបរថយន្តដែរ ។ ក្រោយកើតហេតុរថយន្តបាននាំមករក្សាទុកជា
បណ្តោះអាសន្ននៅអធិការដ្ឋាននគរបាលស្រុកកំពង់សៀម ជាបណ្តោះអាសន្នដោះស្រាយតាមច្បាប់៕
