ខេត្តព្រះសីហនុ ៖ រដ្ឋបាលខេត្តព្រះសីហនុ ប្រជុំពិភាក្សាស្តីពីការគ្រោងបង្កើតកម្មវិធីតាំងពិព័រណ៍ម្ហូបអាហារ បន្លែផ្លែឈើ និងផលិតផលក្នុងស្រុក ដែលគ្មានសារធាតុគីមីហាមឃាត់ ដើម្បីអបអរសាទរព្រះរាជពិធីបុណ្យចម្រើនព្រះជន្មសម្តេចព្រះមហាក្សត្រីនរោត្តម មុនីនាថ សីហនុ ព្រះវររាជមាតាជាតិខ្មែរក្នុងសេរីភាពសេចក្តីថ្លៃថ្នូរនិងសុភមង្គល។
ថ្លែងក្នុងកិច្ចពិភាក្សានៅរសៀលថ្ងៃទី១៧ ខែឧសភា ឆ្នាំ២០១៨ កន្លងទៅលោកយន្ត មីន អភិបាលខេត្តព្រះសីហនុ បានមានប្រសាសន៏ថាការគ្រោងអោយមានការដាក់តាំងពិព័រណ៏ម្នូបអាហារគ្មានសាធាតុគីមីហាមឃាត់នេះគឺជាលើកទី១សំរាប់ខេត្តព្រះសីហនុ។ការតាំងពិពរ័ណ៍នេះមានគោលបំណងបំផុសស្មារតីពលរដ្ឋអោយងាកមកចាប់អារម្មណ៏អំពីម្ហូបអាហារដែលគ្មានសារធាតុគីមីប៉ះពាលដល់សុខភាព។
លោកអភិបាលខេត្តក៏បានជម្រុញអោយកសិករដាំបន្លែផ្លែឈើមិនប្រើប្រាស់សារធាតុគីមីហាមឃាត់ និងម្ចាស់ភោជនីយដ្ឋានទាំងឡាយនៅខេត្តព្រះសីហនុ យកម្ហូបអាហារដែលជាស្នាដៃរបស់ខ្លួនមកដាក់តាំងពិព័រណ៍ដើម្បីជាសញ្ញាណមួយថាម្ហូបអាហារនៅខេត្តព្រះសីហនុ មិនមានការប្រើប្រាស់សារធាតុគីមីហាមឃាត់នាំអោយប៉ះពាល់សុខភាពឡើយ។
លោកអភិបាលខេត្តស្នើអោយមន្ត្រីពាក់ពន្ធ័ត្រូវជម្រុញការផ្សព្វផ្សាយអោយបានទូលំទូលាយ ដល់ប្រជាកសិករ ដែលដាំដំណាំបន្លែផ្លែឈើគ្មានប្រើសារធាតុគីមីប៉ះពាល់និងមន្ទីរទេសចរណ៏ត្រូវជម្រុញម្ចាស់ភោជនីដ្ឋានទាំងឡាយចូលរួមអោយបានច្រើនកុះករក្នុងការយកផលិតផលមកដាក់តាំងពិព័រណ៍ក្នុងកម្មវិធីនេះដែលគ្រោងរៀបចំនៅពេលខាងមុខ។ម្យាងវិញទៀត
កម្មវិធីនេះគ្រោងនឹងប្រព្រឹត្តទៅក្នុងរយៈពេលបីថ្ងៃគឺចាប់ពីថ្ងៃគឺចាប់ពីថ្ងៃទី១៨ .១៩. ២០ ខែមិថុនា ឆ្នាំ២០១៨ខាងមុខនេះ។
សូមបញ្ជាក់ថា រដ្ឋបាលខេត្តព្រះសីហនុ បានរៀបចំនូវក្រុមការងារចំនួន៥ដើម្បីដំណើរការនៃកម្មវិធីតាំងពិពរ័ណ៍ម្ហូបអាហារគ្មានសារធាតុគីមីនេះផងដែរ។ទី១.ក្រុមការងារឃោសនា ផ្សព្វផ្សាយដល់សាធារណៈជនចូលរួមអោយបានច្រើនកុះករ ក្រុមការងារនេះដឹកនាំនិងទទួលខុសត្រូវដោយ មន្ទីរព័ត៌មានខេត្ត រដ្ឋបាលឃុំ សង្កាត់ រដ្ឋបាលក្រុង ស្រុក។ទី២.ក្រុមការងារទំនាក់ទំនងនិងជម្រុញម្ចាស់ភោជនីដ្ឋាន ម្ចាស់ចំការ និង ម្ចាស់សិប្បកម្មក្នុងខេត្តឱ្យចូលរួមតាំងម្ហូបអាហារ ផ្លែឈើ
និងផលិតផលរបស់ខ្លួន ក្រុមការងារនេះដឹកនាំនិងទទួលខុសត្រូវដោយ មន្ទីរទេសចរណ៍ខេត្ត មន្ទីរកសិកម្ម រុក្ខាប្រមាញ់និងនេសាទខេត្ត
មន្ទីរឧស្សាហកម្ម និងសិប្បកម្មខេត្ត សភាពាណិជ្ជកម្មខេត្តនិងរដ្ឋបាលក្រុងស្រុក។ទី៣.ក្រុមការងារកិច្ចការពារសន្តិសុខ សុវត្តិភាពសណ្តាប់ធ្នាប់សាធារណៈនិងការធ្វើចរាចរណ៍ ក្រុមការងារនេះដឹកនាំនិងទទួលខុសត្រូវដោយ ស្នងការដ្ឋាននគរបាលខេត្ត ទីបញ្ជាការដ្ឋានកងរាជអាវុធហត្ថខេត្ត តំបន់ប្រតិបត្តិការសឹករងខេត្ត ព្រះសីហនុ។ទី៤.ក្រុមការងាររៀបចំស្តង់ពិព័រណ៍ការប្រគំតន្ត្រី និងតុបតែងភ្លើងលមរ្អ ក្រុមការងារនេះដឹកនាំនិងទទួលខុសត្រូវដោយមន្ទីរពាណិជ្ជកម្មនិងសភាពាណិជ្ជកម្មខេត្តនិងទី៥.ក្រុមការងារអប់រំផ្សព្វផ្សាយនិងណែនាំអំពីលក្ខណៈបច្ចេកទេស លើម្ហូបអាហារឱ្យមានអនាម័យនិងផ្លែឈើគ្មានជាតិគីមី ក្រុមការងារនេះដឹកនាំនិងទទួលខុសត្រូវដោយមន្ទីរសុខាភិបាលខេត្ត មន្ទីរពាណិជ្ជកម្មខេ ត្ត មន្ទីរកសិកម្ម រុក្ខាប្រមាញ់និងនេសាទខេត្ត សាខាកាំកុងត្រូលខេត្ត៕
