ភ្នំពេញ ៖ ស្របពេលពលរដ្ឋកម្ពុជា មានការយល់ដឹងពីការប្រើប្រាស់ ថង់បា្លស្ទិក នៅមាន កម្រិត វិស័យឯកជនធ្វើអាជីវកម្ម ពាក់ព័ន្ធនិងការវេចខ្ចប់ និងប្រើប្រាស់ រួមគ្នាកាត់បន្ថយ ថង់ប្លាស្ទិក នៅកម្ពុជាតាមរយៈបង្កើតជាវេទិការបង្ហាញពីទំនួលខុសត្រូវចំពោះសង្គមផ្សេងៗ។
ថ្លែងក្នុងកម្មវិធីរួមគ្នាកាត់បន្ថយការប្រើប្រាស់ថង់ប្លាស្ទិកនៅកម្ពុជា កាលពីថ្ងៃទី ៧មិថុនា នៅសណ្ឋាគារឡឺរ៉ូយ៉ាល់ លោក Marc Rosales នាយកគ្រប់គ្រងទូទៅរបស់ក្រុមហ៊ុន Pernod Ricard Cambodge មានប្រសាសន៍ថា ៖«វិស័យឯកជនមានតួនាទីយ៉ាងសំខាន់ ក្នុងការកាត់ បន្ថយ ការប្រើប្រាស់ថង់ប្លាស្ទិក ការការពារបរិស្ថាននៅជុំវិញខ្លួនយើង ស្មើនឹងការផ្តល់នូវការយក ចិត្តទុកដាក់ដល់អតិថិជន ។គោលដៅរបស់យើងអាចសម្រេចទៅបាន អាស្រ័យលើការចូលរួម ចំណែក យ៉ាងសកម្ម និងសហការពីសហគមន៍ដើម្បីបង្កើតឱ្យមានកម្មវិធីកាត់បន្ថយ នូវការប៉ះពាល់ បរិស្ថាន ប្រកបដោយប្រសិទ្ធភាព។ការកាត់បន្ថយការប្រើប្រាស់ថង់ប្លាស្ទិកពេលនេះ នឹងបង្កើតឱ្យ មាននូវស្ថេរភាពសម្រាប់ការរស់នៅប្រកបដោយសុខមាលភាពដល់អ្នកជំនាន់ក្រោយ»។
បើតាមអ្នកគ្រប់គ្រងផ្សារតៃសេងបានអោយដឹងថា ដើម្បីឱ្យការប្រើប្រាស់ថង់ប្លាស្ទិកថយចុះ គឺផ្សារទំនើបនៅកម្ពុជាដើរតួនាទីសំខាន់ក្នុងការកាត់បន្ថយ។ ដើម្បីកាត់បន្ថយ ត្រូវតែចូលរួមទាំង អស់គ្នា ទាំងផ្សារតូច និងធំដោយដាក់ជាកំហិត បើភ្ញៀវចង់បានឬប្រើប្រាស់ថង់ ដើម្បីវេចខ្ចប់ ទំនិញ អ្វីមួយ ត្រូវគិតបង់លុយបន្ថែម ធ្វើដូចនេះវាអាចជួយកាត់បន្ថយបានច្រើន»។
អ្នកស្រី Sarah Rhodes ស្ថាបនិក របស់ Plastic Free Cambodia មានប្រសាសន៍ថា៖« នៅប្រទេសកម្ពុជាក្នុង១ឆ្នាំពលរដ្ឋម្នាក់អាចប្រើប្រាស់ថង់ប្លាស្ទិក ប្រហែល២ពាន់ថង់ ហើយចំនួន មានពី៦ទៅ១០ដងបើប្រៀបធៀបនិងប្រទេសផ្សេងៗ។ នៅកម្ពុជា មានប្រហែល៥០% នៃថង់ ប្លាស្ទិក ដែលកំពុងប្រើប្រាស់រាល់ថ្ងៃនេះ ជាប្រភេទប្លាស្ទិកបែបវេចខ្ចប់ផលិតផល។ ដូចនេះកម្ពុជា ត្រូវដើរលើផ្លូវនេះវែងឆ្ងាយ ដើម្បីកាត់បន្ថយឬបជ្ឈប់ការប្រើប្រាស់ថង់ប្លាស្ទិកនេះ»។
សូមបញ្ជាក់ថា សមាគមសហគ្រិនឯកជន ដែលដឹកនាំដោយក្រុមហ៊ុន Pernod Ricard Cambodia បានកំណត់យកថ្ងៃទី៧ ខែមិថុនា ដើម្បីជួយសង្គមតាមរយៈការបង្កើតកម្មវិធីផ្សេងៗ ជាស្តែង ឆ្នាំនេះ សមាគមត្រៀមរៀបចំព្រឹត្តិការណ៍កំណត់យកខែកក្កដាខាងមុខនេះ ជាខែដែល មិន ប្រើ ប្រាស់ថង់ប្លាស្ទីកពេញមួយខែ ដោយផ្តោតសំខាន់ទៅលើភោជ្ជដ្ឋាន និងហាងកាហ្វេ រួមទាំង ការបំផុសអោយប្រជាពលរដ្ឋប្រើប្រាស់ផលិតផលជំនួសឬការប្រើប្រាស់ថង់ដែលអាចប្រើ បាន ច្រើនដង៕
