ប៉ោយប៉ែត ៖ មនុស្សម្នាក់បានស្លាប់នៅកន្លែងកើតហេតុពី២នាក់ទៀតរងរបួសធ្ងន់ដឹកទៅសង្គ្រោះនៅមន្ទីរពេទ្យនៅថ្ងៃ ទី០៦ ខែ កក្កដា ឆ្នាំ២០១៨ វេលាម៉ោង ១០ និង ១៥នាទី លើផ្លូវ ជាតិលេខ៥៨ ត្រង់ចំណុចខាងត្បូងផ្លូវបំបែកភូមិទួលពង្រប្រហែល២០០០ឋិតក្នុងភូមិទយកលពង្រសង្កាត់ផ្សារកណ្ដាលក្រុងប៉ោយប៉ែតខេត្តបន្ទាយមានជ័យ។
ជនរងគ្រោះមានឈ្មោះ
០១-អ្នកបើកបរម៉ូតូ ឈ្មោះ ម៉ោញ ណា ភេទស្រី អាយុ៣៩ឆ្នាំ មុខរបរ ធ្វើស្រែ រស់នៅក្នុងភូមិប្រីយ៍ ឃុំទ្រាល ស្រុកស្វាយចេក ខេត្តបន្ទាយមានជ័យ (ស្លាប់នៅនិងកន្លែងកើតហេតុ)
០២-អ្នករួមដំណើរលើម៉ូតូ មានមនុស្សស្រីចំណាស់០១នាក់,ក្មេងប្រុស០១នាក់រងរបួសធ្ងន់(ក្តាប់ឈ្មោះពុំទាន់បាន)។ចំណែកអ្នកបើកបររថយន្តក្រោយកើតហេតុបានរត់គេចខ្លួនបាត់បន្សល់រថយន្តនៅកន្លែងកើតុហេតុ។
សមត្ថកិច្ចជំនាញចរាចរណ៍ក្រុងប្រាប់ថា មុនកើតហេតុមានម៉ូតូ០១គ្រឿងម៉ាកហុងដាទ្រីមសេ១២៥ ពណ៏ខ្មៅ ពាក់ស្លាកលេខ បន្ទាយមានជ័យ 1G-2505 បើកបរពីលិចទៅកើត លុះបើកបរដល់ចំណុចកើតហេតុ ស្រាប់តែមានរថយន្តដឹកទំនិញធុនធំ០១គ្រឿងហុីយ៉ាន់ដាយ ពណ៏ស ពាក់ស្លាកលេខ ភ្នំពេញ 3B-8358 ក្នុងទិសដៅស្របទិសពីជើងទៅត្បូងលុះបើកបរដល់ចំណុចកើតហេតុ បានជែងម៉ូតូ ខាងលើ ពេលមេឃកំពុងភ្លៀងជែងបានបន្តិច ស្រាប់តែរថយន្តរអិលទៅឆ្វេងពេលនោះតែកុងរថយន្តបានបួងចង្កូតមកស្តាំវិញ បណ្តាលអោយរថយន្តក្រឡាប់សង្កត់លើម៉ូតូគ្រោះថ្នាក់តែម្តង ចំពោះរថយន្ត និងម៉ូតូខូចខាតធ្ងន់ធ្ងរ ហើយនៅកន្លែងកើតហេតុគេឃើញសមត្ថកិច្ចវាស់វែងនិងស្ទូចរថយន្តបង្ក និងម៉ូតយកទៅរក្សារទុកនៅអធិការដ្ឌានក្រុងដើម្បីដោះស្រាយតាមផ្លូវច្បាប់ រីឯសពរងគ្រោះ ត្រូវបានសាច់ញាតិយកទៅធ្វើបុណ្យតាមប្រពៃណី៕
