ប្រទេសរុស្ស៊ី បានចេញផ្សាយវីដេអូជាច្រើន ដែលបង្ហាញពីការធ្វើតេស្ត និងប្រតិបត្តិការ អាវុធ នុយក្លេអ៊ែរ និងអាវុធជំនាន់ថ្មី រយះពេលប៉ុន្មានថ្ងៃ បន្ទាប់ពីលោកវ្ល៉ាឌីមៀរ ពូទីន និងប្រធានាធិបតីអាមេរិច លោកដូណាល់ ត្រាំ បានពិភាក្សាគ្នា ពីវិធីបញ្ចៀសការប្រកួតប្រជែងអាវុធ។
ប្រធានាធិបតីរុស្ស៊ី លោក ពូទីន បានប្រកាសពីអាវុធនុយក្លេអ៊ែរថ្មីមួយ កាលពីខែមីនា ក្នុងសុន្ទរក ថាមួយ ដោយនិយាយថា អាវុធទាំងនោះ អាចកំទេចស្ទើរតែគ្រប់ចំណុចទាំងអស់នៅលើពិភពលោក និងគេចផុតពី មីស៊ីល ដែលផលិតដោយសហរដ្ឋអាមេរិក។
ក្រសួងការពារជាតិរុស្ស៊ីបានចេញផ្សាយ វីដេអូបែបហូលីវូដជាច្រើន នៃអាវុធថ្មីៗ ដែលលោក ពូទីន បានដាក់បង្ហាញកាលពីខែមីនា ត្រូវបានធ្វើតេស្ត ឬធ្វើសកម្មភាព។
ក្រសួងក៏បាននិយាយផងដែរថា ក្រសួងកំពុងត្រៀមរៀបចំការសាកល្បង មីស៊ីលដើរដោយ ថាមពល នុយក្លេអ៊ែរថ្មីមួយ ដែលមានឈ្មោះថា ស្តម ពេត្រែល ។ ការលើកឡើងអំពីអាវុធថ្មីនេះ មានភាពមន្ទិលសង្ស័យនៅរដ្ឋធានីវ៉ាស៊ីនតោន ដែលក្រុមមន្ដ្រីបានចោទសួរថាតើប្រទេសរុស្ស៊ី បានបន្ថែមសមត្ថភាពថ្មីណាមួយ ទៅលើអាវុធនុយក្លេអ៊ែររបស់ខ្លួន លើសពីអ្វីដែលគេបានដឹងរួចទៅហើយ សំរាប់ភ្នាក់ងារស៊ើបការណ៍ និងយោធាអាមេរិក៕
