រថយន្តទំនើប ៣គ្រឿង ប្រើប្រាស់ស្លាកលេខ ខ.ម២-៥៨២៥ តែមួយ
ភ្នំពេញ៖ រូបថតរថយន្តទំនើប ៣គ្រឿង ដែលបានប្រើប្រាស់ស្លាកលេខ ខ.ម ២-៥៨២៥ តែមួយ ត្រូវបានគេបង្ហោះចែកចាយលើបណ្ដាញទំនាក់ទំនងសង្គមហ្វេសប៊ុកយ៉ាងទូលំទូលាយ។
អ្នកលេងហ្វេសប៊ុក បានធ្វើការចែកចាយបន្តនូវរូបភាព រថយន្តទំនើប ៣គ្រឿងពាក់ផ្លាកលេខ ខ.ម២-៥៨២៥ តែមួយ ដែលគេចាត់ទុកថាជារបស់អ្នកមានលុយ និងមានអំណាច នៅស្រុកខ្មែរគ្មានសមត្ថកិច្ចណាហ៊ានប៉ះពាល់ឡើយ ហើយមិនដឺងថា តើស្លាកលេខមួយណាពិត មួយណាក្លែងក្លាយនោះទេ។
ជាការកត់សំគាល់ នៅស្រុកខ្មែររថយន្តទំនើបៗរបស់អ្នកមានលុយ និងមានអំណាចមួយចំនួនគ្មានការបង់ព័ន្ឋនាំចូលបន្តិចសោះ ហើយឯកសារសម្រាប់ធ្វើចរាចរណ៍ក៏មិនត្រឹមត្រូវដែរ ដូច្នេះហើយទើបគេប្រើប្រាស់ស្លាកលេខ ខ.ម, ន.ប, រាជការ, NGO ជាដើម ដើម្បីបំភ័នភ្នែកសមត្ថកិច្ចថ្នាក់ក្រោម ៕
