លោក ស ថេត ចូលកាន់តំណែងស្នងការនគរបាលរាជធានីភ្នំពេញជាផ្លូវការ
ភ្នំពេញ ៖ នៅស្នងការនគរបាលរាជធានីភ្នំពេញ នាវេលាម៉ោង ៣រសៀល ថ្ងៃទី១១ ខែកញ្ញា ឆ្នាំ២០១៨ នេះ បានរៀបចំពិធីប្រគល់តំណែងលោក ស ថេត ជាស្នងការនគរបាលរាជធានីភ្នំពេញ ក្រោមអធិបតីភាពលោក ចាន់ អ៊ាន រដ្ឋលេខាធិការក្រសួងមហាផ្ទៃ តំណាងសម្តេចក្រឡាហោម ស ខេង នាយករដ្ឋមន្ត្រីស្តីទី។
លោកឧត្តមសេនីយ៍ឯក ស ថេត អគ្គស្នងការរងនគរបាលជាតិជំនួយការដឹកនាំនាយកដ្ឋាននគរបាលការពារ និងអង្គភាពតម្រួតបទបញ្ជា ត្រូវចូលកាន់តំណែងស្នងការនគរបាលរាជធានីភ្នំពេញ ជំនួសលោកនាយឧត្តមសេនីយ៍ ជួន សុវណ្ណ ជាផ្លូវការចាប់ពីពេលនេះទៅ ៕
