ភ្នំពេញ ៖ មន្ត្រីសាលាគណៈរាជធានីភ្នំពេញបានឃាត់ខ្លួនព្រះសង្ឃក្លែងក្លាយចំនួន៥អង្គ និងបានពាក់ព័ន្ធសេពនឹងសារធាតុញៀន ដែលធ្វើអោយខូចឈ្មោះព្រះសង្ឃ សាសនា។
ការឃាត់ខ្លួនសង្ឃក្លែងក្លាយនេះ ទីអគោចរនានានៅរាជធានីភ្នំពេញ កាលពីថ្ងៃទី១៧ ខែកញ្ញា ឆ្នាំ៣០១៨ ខណៈពេលដែលមន្ត្រីសង្ឃសាលាគណៈរាជធានីភ្នំពេញ បានចុះរដ្ឋបាលនៅតាមផ្សារនានា នៅរាជធានីភ្នំពេញ។ ដែលជាលទ្ធផល ព្រះសាលារាជធានីភ្នំពេញ ក៏បានចាប់បានព្រះសង្ឃក្លែងក្លាយចំនួន ០៥អង្គ ដែលមានមួយចំនួនមានសេពនៅសារធាតុគ្រឿងញៀន ហើយនៅព្រឹកថ្ងៃទី១៨ខែកញ្ញាឆ្នាំ២០១៨ ក៏បានប្រគល់ទៅអាជ្ញាធរខណ្ឌដូនពេញ ចាត់ការទៅតាមនិតិវិធី។
សង្ឃក្លែងក្លាយចំនួន០៥អង្គខាងលើត្រូវបានអាជ្ញាធរបង្ហើបអោយដឹងថាទី១មានឈ្មោះ រដ្ឋ ឈុន អាយុ២០ឆ្នាំ ទី២ឈ្មោះ ហឿង ហន អាយុ២២ឆ្នាំ ទី៣ឈ្មោះ វណ្ណ វាសនា អាយុ២៨ឆ្នាំ ទី៤ឈ្មោះ ផាត តុលា អាយុ២០ឆ្នាំ ទី៥ឈ្មោះ គីម លីម៉ន អាយុ១៨ឆ្នាំ។
បច្ចុប្បន្នព្រះសង្ឃទាំង៥អង្គនេះត្រូវបាន សាលាគណៈរាជធានីភ្នំពេញចាប់ផ្សឹក ហើយប្រគល់ទៅអោយមានសមត្ថកិច្ចជួយចាត់ចែងតាមនិតិវិធីច្បាប់ជាធរមាន៕
