ចិន និងប្រទេស៥ទៀត ផ្អាកទិញជ្រូកពី ប៊ែលហ្សិក ដោយសារមានជំងឺប៉េស្ត
ប្រទេសចំនួន៦ ក្នុងនោះក៏មានចិននិងកូរ៉េខាងត្បូងដែរ បានសម្រេចផ្អាកការនាំចូលសាច់ជ្រូកពីប្រទេសបែលហ្សិក បន្ទាប់ពីរកឃើញករណីជម្ងឺប៉េស្តជ្រូកនៅលើជ្រូកព្រៃក្នុងភាគខាងត្បូងប្រទេសបែលហ្សិក-នេះបើយោងតាមការបញ្ជាក់របស់សហព័ន្ធគ្រប់គ្រងសាច់បែលហ្សិក( Febev)។
មន្ត្រីសហព័ន្ធផ្នែកគ្រប់គ្រងសាច់នៃប្រទេសបែលហ្សិក( Febev)លោក Michael Gore បានថ្លែងប្រាប់ថាប្រទេសចំនួន ៦ ដែលសម្រេចចិត្តផ្អាកការនាំចូលសាច់ជ្រូកពីប្រទេសបែលហ្សិកនោះ មានប្រទេសចិន កូរ៉េខាងត្បូង តៃវ៉ាន់ ហ្វីលីពីន ម៉េចស៊ិកនិង Biélorussie ។ សូមបញ្ជាក់ថា ប្រទេសចិននិងកូរ៉េខាងត្បូងគឺជាប្រទេសដែលនាំចូលសាច់ជ្រូកបែលហ្សិកយ៉ាងច្រើនជាងគេបំផុត៕
