ភ្នំពេញ ៖ រដ្ឋសភាបានបើកកិច្ចប្រជុំពេញអង្គនៅព្រឹកថ្ងៃទី១៩ ខែកញ្ញា ឆ្នាំ២០១៨ ដោយបានប្រកាស សុពលភាពជូនតំណាងរាស្ត្រថ្មីទាំង៣៨នាក់ ក្នុងចំណោម១២៥នាក់ ជាផ្លូវការរួចហើយ។រដ្ឋសភា នឹងបន្តកិច្ចប្រេជុំនៅថ្ងៃនេះ ដើម្បីជ្រើសរើសសមាជិកថ្មី នៃគណៈកម្មការជំនាញទាំង១០។
ឯ.ឧ. ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា បានបញ្ជាក់ថា ចំពោះប្រធាននិងអនុប្រធានគណៈកម្មការជំនាញ មិនត្រូវបានបោះឆ្នោត ឬផ្លាស់ប្តូរនោះទេ ព្រោះតំណាង រាស្ដ្រ ដែលបានលាលែង មិនមែនជាប្រធាន និងអនុប្រធានគណៈកម្មការជំនាញនោះទេ។
ក្នុងចំណោមតំណាងរាស្ត្រទាំង៣៨នាក់ ដែលបានលាលែងតាមការស្នើរបស់សម្តេចតេជោ ហ៊ុន សែន មានអ្នកខ្លះជាសមាជិកក្នុងគណៈកម្មការជំនាញទាំង១០ នៃរដ្ឋសភា។ ហេតុដូច្នេះ រដ្ឋ សភា ត្រូវបោះឆ្នោតម្តងទៀត តាមរយៈកិច្ចប្រជុំពេញអង្គនៅព្រឹកថ្ងៃទី២០ ខែកញ្ញា ឆ្នាំ២០១៨ នេះ ដើម្បីជ្រើសរើសសមាជិកថ្មីមួយចំនួននៃគណៈកម្មការជំនាញទាំងនេះ៕ 
