ក្រសួងសុខាភិបាល នឹងចាប់ផ្ដើមផាកពិន័យអ្នកជក់នៅទីហាមឃាត់
ភ្នំពេញ ៖ ឆាប់ៗខាងមុខនេះ ក្រោយពីមើលឃើញពីអត្រាអ្នកស្លាប់ដោយសារការជក់បារីក្នុង១ឆ្នាំៗ មានការកើនឡើង និងការចំណាយថវិកាយ៉ាងច្រើនលើការព្យាបាលជំងឺ។
តាមការបញ្ជាក់របស់លោក អ៊ឹង ភីរុន រដ្ឋលេខាធិការក្រសួងសុខាភិបាល ក្នុងសិក្ខាសាលាស្ដីពីការអនុវត្តច្បាប់ និងលិខិតបទដ្ឋានគតិយុត្តិនានា ស្ដីពីការត្រួតពិនិត្យផលិតផលថ្នាំជក់ កាលពីថ្ងៃទី២៧ កញ្ញា។
លោក អ៊ឹង ភីរុន បានរៀបរាប់ថា ក្រសួងមានក្រុមមន្ត្រីអធិការកិច្ចជាង៥០០នាក់ ដើម្បីចុះអនុវត្តលើវិធានការនេះ។ ក្រសួងនឹងពិន័យអ្នកជក់បារី នៅកន្លែងតាមទីសាធារណៈ និងកន្លែងហាមឃាត់ចំនួន២ម៉ឺនរៀលក្នុង១លើក និងពិន័យ៤ម៉ឺនរៀល ក្នុង១លើក ចំពោះម្ចាស់អាជីវកម្មទាំងឡាយណា ដែលបណ្ដោយឲ្យភ្ញៀវជក់បារី នៅក្នុងហាង ភោជនីយដ្ឋាន ឬសណ្ឋាគារ ជាដើម៕
