លោក នៃ ប៉េណា អនុប្រធានទី១ ព្រឹទ្ធសភាទទួលមរណភាពក្នុងវ័យ ៧៤ឆ្នាំ
ភ្នំពេញ ៖ លោក នៃ ប៉េណា អនុប្រធានទី១ ព្រឹទ្ធសភា បានទទួលមរណភាព នាថ្ងៃដដែល នៅម៉ោង ១រសៀល ក្នុងជន្មាយុ ៧៤ឆ្នាំ ដោយរោគាពាធ។
យោងតាមសេចក្ដីជូនដំណឹងរបស់ព្រឹទ្ធសភា នាថ្ងៃទី២៩ ខែកញ្ញា ឆ្នាំ២០១៨នេះ បានឲ្យដឹងថា សពលោក នៃ ប៉េណា តម្កល់ធ្វើបុណ្យតាមប្រពៃណីជាតិ នៅផ្ទះលេខ៣៩១ ផ្លូវប៉ូឡារីស ច្រកទ្វារទី២ បុរីប៉េងហួតបឹងស្នោរ សង្កាត់និរោធន៍ ខណ្ឌច្បារអំពៅ រាជធានីភ្នំពេញ។ ពិធីដង្ហែរសពនឹងប្រព្រឹត្តទៅនាព្រឹកថ្ងៃទី៣ ខែតុលា ឆ្នាំ២០១៨ ឆ្ពោះទៅកាន់ឈាបនដ្ឋាននៅទីលានមុខវត្តបុទុមវត្តី៕
