ភ្នំពេញ ៖ តាមការគ្រោងទុក វិមានឈ្នះ-ឈ្នះ ដែលជានិម្មិតរូបនៃសុខសន្តិភាពនៅកម្ពុជា និងសម្ភោធ ជាផ្លូវការនៅថ្ងៃទី២៩ ខែធ្នូ ចុងឆ្នាំ២០១៨ ។ តាមកិច្ចប្រជុំរបស់រដ្ធបាលសាលារាជធានីភ្នំពេញ កាលពីព្រឹកថ្ងៃទី១ ខែតុលា បានពិភាក្សាស្តីពីការត្រៀមកម្លាំងរៀបចំគ្រប់ផ្នែកជំនាញ ដើម្បីឈាន ទៅប្រារព្ធពិធីសម្ភោធវិមានឈ្នះ-ឈ្នះ នាពេលខាងមុខអោយបានល្អប្រសើរ។
សូមរំឭកថា វិមានឈ្នះ-ឈ្នះ ដែលរៀបចំកសាងឡើងដោយក្រសួងការពារជាតិ បានចាប់ ផ្តើមសាងសង់ឡើង កាលពីខែកុម្ភៈ ឆ្នាំ ២០១៦ លើទំហំផ្ទៃដី ៨ហិកតា ស្ថិតនៅខណ្ឌជ្រោយចង្វារ រាជធានីភ្នំពេញ ។ វិមានឈ្នះ ឈ្នះ គឺជានិម្មិតរូប នៃការបញ្ចប់សង្គ្រាមនៅកម្ពុជា ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន ដែលជាស្ថាបនិកសន្តិភាព តែមួយគត់ និងជាអ្នកពន្លត់ ភ្លើងសង្គ្រាមដ៏រ៉ាំរ៉ៃនៅកម្ពុជា៕
