ភ្នំពេញ ៖ បុរសម្នាក់ខណៈកំពុងជិះម៉ូតូឌុបស្រីស្នេហ៍សុខៗ ក៍ឈប់ផ្តួលម៉ូតូលោតទឹកសម្លាប់ខ្លួន ពីលើស្ពាន ប៉ាឡេ ឆ្លងទន្លសាប ន្សល់ទុកស្រីស្នេហ៍យំសោកបោកខ្លួននៅលើស្ពានតែម្នាក់ឯង កាលពីវេលា ម៉ោង ២រសៀលថ្ងៃទី ២៣ ខែតុលា ឆ្នាំ២០១៨ នៅលើស្ពានបាឡេ ស្ថិតនៅភូមិមិត្តភាព សង្កាត់ ឬស្សីកែវ ខណ្ឌឬស្សីកែវ។
បុរសដែលលោតទឹកសម្លាប់ខ្លួន ឈ្មោះ អាំង សុរាជ អាយុ២១ឆ្នាំមាន លំនៅម្តុំវត្តសន្សំកុសល ក្នុង សង្កាត់បឹងទំពុន ខណ្ឌមានជ័យ បានលិចបាត់ទៅក្នុងទឹកទន្លេគ្មានអ្នកណាអាចជួយសង្គ្រោះបាន ទាន់ឡើយ។ចំណែកនារីជាសង្សារឈ្មោះ អ៊ា ឆៃលី អាយុ១៩ឆ្នាំ ជានិស្សិតឆ្នាំ ទី១ វិទ្យាស្ថាន វ៉ាន់ដា ផ្នែកគណនេយ្យ មានលំនៅក្នុងសង្កាត់ផ្សារដើមថ្កូវ ខណ្ឌចំការមន។
តាមសាក្សីបានអោយដឹងថា នៅមុនពេលកើតហេតុ គេឃើញបុរសរូបនោះបានជិះម៉ូតូម៉ាក Beat ពណ៌ស លាយខ្មៅ ពាក់ស្លាកលេខភ្នំពេញ១GR.៩២២៣ មួយគ្រឿង ឌុបនារីម្នាក់ ធ្វើដំណើរឡើង ស្ពានបាឡេ ក្នុងទិសដៅពីកើតទៅលិច។ ពេលមកដល់កណ្តាលស្ពាន ស្រាប់តែបុរសរូបនោះ បាន ឈប់ម៉ូតូ និងផ្តួលហើយហក់តោងបង្កាន់ដៃស្ពានលោតចុះទៅក្នុងទន្លេសម្លាប់ខ្លួនតែម្តង៕
