សំបុត្រទស្សនាការប្រកួតរវាងកម្ពុជា និងម៉ាឡេស៊ី ពានរង្វាន់ Suzuki Cup ដាក់លក់នៅចុងខែនេះ
ភ្នំពេញ ៖ សហព័ន្ធកីឡាបាល់ទាត់កម្ពុជា បានប្រកាសជូនដំណឹងថា សំបុត្រចូលទស្សនាការប្រកួតពានរង្វាន់ AFF Suzuki Cup 2018 រវាងក្រុមជម្រើសជាតិកម្ពុជា និងម៉ាឡេស៊ី នឹងចាប់ផ្តើមលក់នៅថ្ងៃ២៩ ខែតុលា ឆ្នាំ២០១៨ ចាប់ពីម៉ោង៩ព្រឹក ដល់ម៉ោង៦ល្ងាច នៅបញ្ជរនៃពហុកីឡដ្ឋានជាតិអូឡាំពិក។
សម្រាប់តម្លៃសំបុត្រមាន ២ប្រភេទ គឺប្រភេទទី១ មានតម្លៃ ៦.០០០រៀល និងប្រភេទទី២ ជាកន្លែង មានដំបូលមួយសន្លឹកតម្លៃ១២.០០០រៀល ។
សូមជម្រាបបថា កម្ពុជានឹងបើកទ្វារពហុកីឡដ្ឋានជាតិ ទទួលស្វាគមន៍ ម៉ាឡេស៊ី ក្នុងព្រឹត្តិការណ៍ខាងលើនេះ នៅថ្ងៃទី៨ ខែវិច្ឆិកា ឆ្នាំ២០១៨ វេលាម៉ោង៦ និង៣០ល្ងាច នាពហុកីឡដ្ឋានជាតិអូឡាំពិក ក្នុងរាជធានីភ្នំពេញ៕
