ផ្នំពេញ ៖ គ្រោះថ្នាក់ចរាចរណ៍ នៅទូទាំងប្រទេសនៅថ្ងៃទី៤ ខែវិច្ឆិកា ឆ្នាំ២០១៨ នេះ បានកើតឡើងចំនួន១១លើក (យប់៤លើក) បណ្តាលឲ្យស្លាប់ ៦នាក់ របួសធ្ងន់ស្រាល១១នាក់។
របាយការពីនាយកដ្ឋានចរាចរណ៍នៃអគ្គស្នងការដ្ឋាននគរបាលជាតិ បញ្ជាក់ថា ក្នុងករណីគ្រោះថ្នាក់ចរាចរណ៍ទាំង ១១លើកនេះ បង្កឲ្យខូចខាតយានយន្តសរុប ២០គ្រឿង ក្នុងនោះមានម៉ូតូ ១៣គ្រឿង រថយន្តតូច ៥គ្រឿង រថយន្តធំ ២គ្រឿង ហើយមូលហេតុដែលបណ្តាលឲ្យកើតមាន គ្រោះ ថ្នាក់ចរាចរណ៍នេះ គឺបណ្តាលមកពីកត្តាល្បឿន, មិនគោរពសិទ្ធិ, បើកបរប្រជែង ,មិនប្រកាន់ស្តាំ និងងងុយដេក។
សូមបញ្ជាក់ថា គ្រោះថ្នាក់ចរាចរណ៍ផ្លូវគោកទូទាំងប្រទេស រយៈពេល៤ថ្ងៃ គឺថ្ងៃ១ ដល់ថ្ងៃទី៤ ខែវិចិ្ឆកា ឆ្នាំ២០១៨ កើតឡើងចំនួន ៣៧លើក បណ្តាលឲ្យមនុស្សស្លាប់ចំនួន ១៩នាក់ របួសធ្ងន់ ស្រាលសរុប ៥៧នាក់៕
