ភ្នំពេញ ៖ នៅថ្ងៃទី៦ ខែវិច្ឆិកា ឆ្នាំ២០១៨ នេះ ស្ថានទូតអាមេរិក និងក្រសួងវប្បធម៌ និង វិចិត្រសិល្បៈ នឹងចុះហត្ថលេខាលើកិច្ចព្រមព្រៀងចំនួនពីរ រួមមាន ការដាក់កម្រិតហាមប្រាណនូវការនាំចូលប្រភេទវត្ថុបុរាណរបស់កម្ពុជា ក្នុងរយៈពេលឆ្នាំ៥ (២០១៨ ដល់ ២០២៣) និង ការអភិរក្សជណ្ដើរបុរាណផ្នែកខាងជើងរបស់ប្រាសាទព្រះវិហារ ក្នុងថវិកាចំនួន ២០ម៉ឺនដុល្លារ ដល់អាជ្ញាធរជាតិព្រះវិហារ។
បើតាមសេចក្តីប្រកាសព័ត៌មានរបស់ស្ថានទូតសហរដ្ឋអាមេរិកប្រចាំកម្ពុជា បានឲ្យដឹងថា អនុស្សា រណៈនៃការយោគយល់នេះ ដើម្បីកាត់បន្ថយគំនិតអវិជ្ជមានរបស់ជនទុច្ចរិត ដែលចង់លួចប្លន់ប្រភេទវត្ថុបុរាណ តំណាងឲ្យកេរដំណែលវប្បធម៌ដ៏មានតម្លៃនិងសម្បូរបែបរបស់កម្ពុជា ដែលមានតម្លៃមិនអាចរកអ្វីជំនួសបាន។
សូមបញ្ជាក់ជូនថា ពិធីចុះហត្ថលេខាលើកិច្ចព្រមព្រៀងផ្នែកវប្បធម៌រវាងប្រទេសទាំងពីរនេះ នឹងប្រាព្ធធ្វើនៅថ្ងៃទី៦ ខែវិច្ចិកា នេះ នៅសារមន្ទីរជាតិកម្ពុជា៕
