កំពង់ចាម ៖ ច្រាំងទន្លេ ក្រុងកំពង់ចាម ចំណុចមុខសណ្ឋាគារ LBN អាសា៑នរបស់ឩកញ្ញា លឹម ប៊ុណ្ណា ស្ថិតនៅខាងជើងស្ពានគីហ្សូណា គិតមកដល់ថ្ងៃទី៦ ខែវិច្ឆិកា ឆ្នាំ២០១៨ នេះ បានបន្តបាក់ ស្រុតអស់ប្រវែងប្រមាណ ២០០ម៉ែត្រ និងជំរៅ ប្រហែល ២ម៉ែត្រ បានធ្វើអោយអាជ្ញាធរដែនដី និង ប្រជាពលរដ្ឋដែលធ្លាប់ដើរកំសាន្តមានការព្រួយបារម្ភ។
រយៈពេលពី ទៅបីថ្ងៃ បន្ទាប់ពីមានការបាក់ច្រាំងទន្លេនេះ គេឃើញលោកប្រធានមន្ទីរធនធានទឹក ឯ.ឧ. អភិបាលរងខេត្ត ឯ.ឧ.អភិបាលក្រុងកំពង់ចាម បានដឹកនាំកំលាំងជំនាញចុះពិនិត្យ សិក្សា ម្តងហើយម្តងទៀត ដើម្បីរៀបចំជួសជុលកសាងច្រាំងទន្លេនេះឡើងវិញ។ ក្នុងនោះ ឯ.ឧ. គួច ចំរើន អភិបាលខេត្តកំពង់ចាម បានមានប្រសាសន៍ ថា ច្រាំងទន្លេដែលបាក់ស្រុតនេះ ត្រូវធ្វើការ ជួស ជុលឡើងវិញ តែរង់ចាំជំនាញសិក្សារួចសិន ហើយពេលនេះដីនៅទន់ជ្រាយនៅឡើយផង ដែលមិនអាចឲ្យយើងធ្វើការជួសជុលកែលម្អភ្លាមបានឡើយ។
ជំរៅដែលស្រុតខ្លាំងជាងគេ គឺម្តុំរូបសំណាកដំរីក្បាល៤ ដែលមានអាងទឹកផងនោះ បានបាក់ស្រុតខ្លាំង គឺជំរៅដល់ទៅ២ម៉ែត្រ ឬលើសពីនេះបន្តិបន្តួច តែមិនធ្វើអោយរូបសំណាកដំរីក្បាល៤នេះស្រុត រលំបានឡើយ ដោយសំណង់នេះ វិស្វករបានបុកគ្រឹះយ៉ាងជ្រៅ និងរឹងមាំ។
ចំណុចច្រាំងទន្លេដែលបាក់ស្រុតខាងលើ ម្តុំរូបសំណាកដំរីក្បាល៤នេះមានចំងាយ ប្រហែល ៣០ម៉ែតពីសណ្ឋាគារ ( LBN អាសា៑នរបស់ឩកញ្ញា លឹម ប៊ុណ្ណា) កំពស់ជាង១០ជាន់ ។
ទោះបីច្រាំងទន្លេបាក់ស្រុតបែបនេះក៏ដោយ វាមិនមានបង្ករផលប៉ះពាល់ដល់សណ្ឋាគារដ៏ខ្ពស់របស់ឩកញ្ញា លឹម ប៑ុណ្ណាបានឡើយ ព្រោះសំណង់លេចធ្លោជាងគេនេះវិស្វករនិងអ្នកជំនាញជាច្រើនរូបបានសឹក្សាច្បាស់លាស់តាមស្តងដាអន្តរជាតិ ហើយបានបុកគ្រឹះសរសររឹងមាំធានាសុវត្តិមួយរយភាគរយ ។
ចំណែក ប្រជាពលរដ្ឋដែលដើរកំសាន្តតាមមាត់ទន្លេម្តុំច្រាំងបាក់នេះ បានផ្តល់យោបល់ថា ម្តុំ ច្រាំងទន្លេដែលបាក់នេះ មានដាក់ផែចំនួនពីទៅបីផែ ដែលធ្វើអោយចរន្តខ្សែទឹកហូរបុកចំផែនោះ មិនហូរទៅដោយរលូនបានហើយទឹកហូរនោះវឹលវល់នាំដីខាងក្រោម ដាច់បន្តិចម្តងៗ ធ្វើអោយសំណង់និងរូបសំណាកខាងលើបាក់ស្រុត។ មតិរបស់មហាជន ខាងលើនេះ គួរតែអស់លោកជំនាញពាក់ពន្ធ័ ពិចារណាឬយកផែទៅដាក់កន្លែងផ្សេង តាមយោបល់របស់ប្រជាពលរដ្ឋ៕ សុផល
