ភ្នំពេញ ៖ រដ្ឋាភិបាលជប៉ុន បានសម្រេចផ្តល់ជំនួយបោសសម្អាតមីន នៅកម្ពុជាសម្រាប់ឆ្នាំ២០១៩ ខាងមុខ នេះ ចំនួនជាង ៣,៥លានដុល្លារសហរដ្ឋអាមេរិក រួមទាំងការអភិវឌ្ឍផ្សេងទៀតរបស់អាជ្ញាធរកម្ចាត់ មីន កម្ពុជា ផងដែរ។
លោក ហេង រតនា អគ្គនាយកមជ្ឈមណ្ឌលបោសសម្អាតមីន បានបញ្ជាក់ថា ក្នុងជំនួយនេះត្រូវបាន បែងចែកសម្រាប់គាំទ្រកិច្ចប្រតិបតិ្តកាបោសសំអាតមីន និងថវិកាចំនួនជាង ៣០ម៉ឺនដុល្លារ សម្រាប់ការអភិវឌ្ឍន៍របស់អង្គភាពស៊ីម៉ាក់នៅទិសខេត្តបាត់ដំបង ក្រោយគម្រោងសមាហរណកម្មការបោស សំអាតមីន និងសង្គ្រោះជនពិការដោយសារមីន។
តាមរបាយការណ៍ បានបង្ហាញថា ជាង២៥ឆ្នាំ កន្លងមកនេះ ស៊ីម៉ាក់ បានធ្វើការបោសសម្អាតផ្ទៃដីមានមីន និងសំណល់ជាតិផ្ទុះពីសង្គ្រាម បានជាង ១.៥៤៥ គីឡូម៉ែត្រការ៉េ ដោយបានរកឃើញនិងកំទេចចោលមីនប្រឆាំងមនុស្ស ១.០៣៦.៣៧៦គ្រាប់ មីនប្រឆាំងរថគ្រោះជាង ២៤.២៥១ គ្រាប់ និងសំណល់ជាតិផ្ទុះពីសង្គ្រាម ២.៦៦០.៦៣៩គ្រាប់៕
