ភ្នំពេញ ៖ លោក ឈុំ សុជាតិ អ្នកនាំពាក្យក្រសួងការពារជាតិ បានចេញមុខបដិសេធរាល់ព័ត៌មាន ដែលថា កម្ពុជាបានទិញឧទ្ធម្ភាគចក្រយោធា ២គ្រឿងពីប្រទេសរុស្ស៊ី ។លោកថា គឺជាព័ត៌មានក្លែងក្លាយ។
លោក ឈុំ សុជាតិ បានពន្យល់ថា ឧទ្ធម្ភាគចក្រយោធាពីរគ្រឿងដែលមានវត្តមាននៅក្នុងមូលដ្ឋានទ័ពអាកាសកម្ពុជា នោះគឺភាគីរុស្ស៊ី គ្រាន់តែយកមកតាំងបង្ហាញពីសមត្ថភាពដល់ថ្នាក់ដឹកនាំយោធាកម្ពុជាតែប៉ុណ្ណោះ។ លោកថា រឿងយើងពេញចិត្តទិញ ឬមិនទិញជារឿងរបស់យើងនៅពេលក្រោយ។
សូមជម្រាបថា ឧទ្ធម្ភាគចក្រយោធារុស្ស៊ីពីរគ្រឿងនេះ នឹងហោះហើរបង្ហាញសមត្ថភាពនៃបច្ចេកវិទ្យាទំនើបរបស់ខ្លួន នៅថ្ងៃទី២០ ខែវិច្ឆិកា ឆ្នាំ២០១៨ ស្អែកនេះ ក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ និងមានការចូលរួមពីមន្ត្រីជាន់ខ្ពស់យោធាកម្ពុជាច្រើនរូបទៀត៕
