ប៉ោយប៉ែត ៖ ប្រធានស្នាក់ការកាំកុងត្រូលច្រកតំបន់បឹងត្រកូនលោក សំ សុធារ័ត្ន ជួបគ្រោះថ្នាក់ ចរាចរណ៍ស្លាប់ នៅកន្លែងកើតហេតុនេះ ខណៈរថយន្តធ្លាក់ចូលក្នុងប្រឡាយទឹក តាមបណ្តោយ ជាតិ លេខ៥៨ ក្នុងភូមិសាស្ត្រឃុំចំការគ ស្រុកស្វាយចេក ខេត្តបន្ទាយមានជ័យ។
បើតាមអធិការស្រុកស្វាយចេក លោក ជា ឆ្លូញ បានបញ្ជាក់តាមទូរស័ព្ទថា លោក សំ សុធារ័ត្ន អាយុ៤៤ឆ្នាំប្រធានស្នាក់ការប្រចាំច្រកបឹងត្រកួនគាត់បានជួបគ្រោះថ្នាក់ចរាចរណ៍ដោយខ្លួនឯង បណ្តាលឲ្យស្លាប់ ។
ប្រភពបន្តថា លោក សំ សុធារ័ត្ន បានបើករថយន្តម៉ាកលុចស៊ីស អអ៊ិច 300 ពាក់ស្លាកលេខ 2S.9669 ចង្កូតឆ្វេង ពណ៌ទឹកដោះគោ ធ្វើដំណើរមកពីប្រជុំនៅទីក្រុងប៉ោយប៉ែត ក្នុងទិសដៅពីខាងត្បូងទៅទិសខាងជើង លើកំណាត់ផ្លូវជាតិលេខ 58 ក្នុងល្បឿនលឿន លុះមក ដល់ ត្រង់ចំណុចខាងជើងខ្លោងទ្វារមណ្ឌលអភិវឌ្ឍន៍យោធិនពិការ 317 តេជោភ្នំឆ័ត្រ មានចម្ងាយ ប្រមានជា ៥០០ ម៉ែត្រ រថយន្តនោះ ក៏បានរេចង្កូតធ្លាក់ចូលប្រទ្បាយទឹកដោយខ្លួនឯង ធ្វើអោយ រថយន្តផ្ងារជើងឡើងលើ បណ្ដាលឲ្យលោក សំ សុធារ័ត្ន តងរបួស និងលង់ទឹកស្លាប់ នៅកន្លែង កើត ហេតុតែម្ដង។
ប្រភពមួយផ្សេងទៀតបានសង្ស័យថា ក្រោយពីកិច្ចប្រជុំរួច ជនរងគ្រោះអាច មានពិធីហូបចុកគ្រឿងស្រវឹងជាមួយមិត្តភក្តិ រួចទើបធ្វើដំណើរមកស្នាក់ការ ខាងលើតែម្នាក់ឯងទើប ជួប គ្រោះថ្នាក់។
លោកអធិការបញ្ជាក់ថា នៅចន្លោះម៉ោង ៨និង៥0នាទី ព្រឹកថ្ងៃទី២៩ ធ្នូ ២០១៨ទទួលបានព័ត៌ មាន ពីប្រជាពលរដ្ឋរាយការណ៍មកប្រាប់ពីករណីគ្រោះថ្នាក់ចរាចរណ៍ កើតឡើងនៅលើផ្លូវជាតិ លេខ ៥៨ ចំនុច ចន្លោះបង្គោលគីឡូលេខ(41-42)ស្ថិតក្នុងភូមិ ចំការគឃុំ/ស្រុកស្វាយចេក ខេត្ត បន្ទាយមានជ័យ លោកក៏បានចាត់កម្លាំងទៅចំណុចខាងលើក៏ប្រទះឃើញករណីនេះពិតមែន។
សមត្ថកិច្ចបានសន្និដ្ឋានថា រថយន្តនេះ បានក្រឡាប់នៅចន្លោះម៉ោង ២២និង00 នាទី ថ្ងៃទី២៨ ដល់ ម៉ោង ៦ និង៣០ នាទី ព្រឹកក្នុងថ្ងៃទី២៩ ខែធ្នូ ២០១៨ ដោយសារម្ចាស់រថយន្តបើកបរល្បឿន លឿន ខ្វះការប្រុងប្រយ័ត្ន បានរេចង្កូតក្រឡាប់ធ្លាក់ចូលក្នុងប្រឡាយទឹក។
សាកសពត្រូវបាន បង ប្អូន សាច់ញាតិយកទៅវត្តបឹងត្រកួន ដើម្បីចាត់ចែងធ្វើបុណ្យតាមប្រពៃណី៕ ដោយ ៖ សុផល
