. ភ្នំពេញ៖ ទីតាំងណេតយីហោPHនិងណេតសញ្ញារូបសេះហោះបើកល្បែងសុីសងខុសច្បាប់ជាច្រើនកន្លែងនៅក្នុងមូលដ្ឋានខណ្ឌចំកាមនកំពុងមានប្រជាប្រិយ៍ភាពយ៉ាងខ្លាំងខណៈដែលមានភ្ញៀវចូលលេងយ៉ាងច្រើនកុះករសឹងតែរកកន្លែងចតម៉ូតូស្ទើរតែមិនបានទាំងយប់ទាំងថ្ងៃ តែអាជ្ញាធរខណ្ឌហាក់ដូចជាស្ងាត់ជ្រាបមិនចុះបង្ក្រាបបណ្ដែតបណ្ដោយអោយទីតាំងនេះបើកដំណើរការយ៉ាងរលូនរាប់ឆ្នាំសង្ស័យម្ចាស់ទីតាំងបើកល្បែងសុីសងខុសច្បាប់នេះរត់ការជាមួយអាជ្ញាធរមានសមត្ថកិច្ចរួចរាល់អស់ហើយមើលទៅ។
. . ទីតាំងណេតដែលបើកល្បែងសុីសងខុសច្បាប់នេះមានទីតាំងស្ថិតនៅតាមបណ្ដោយផ្លូវលេខ៤៧៤ ក្នុងសង្កាត់បឹងត្របែកខណ្ឌចំកាមន រាជធានីភ្នំពេញ។
និងជាច្រើនទីតាំងទៀតនៅផ្លូវ៣៦០សង្កាត់បឹងកេងកង៣
. . ប្រភពព័ត៌មានពីប្រជាពលរដ្ឋបានលួចខ្សឹបប្រាប់ថា ទីតាំងទាំងនេះបើកបង្កប់ល្បែងភ្នាល់បាល់ជាយូរឆ្នាំមកហើយ បើកលេងទាំងយប់ទាំងថ្ងៃនិងមានភ្ញៀវចេញចូលមិនចេះដាច់នោះទេសឹងតែរកកន្លែងដាក់ម៉ូតូមិនបានផង។ ប្រភពមួយទៀតបានប្រាប់ថា ទំនងជាម្ចាស់ទីតាំងនេះរត់ការជាមួយអាជ្ញាធរមានសមត្ថកិច្ចអស់ហើយទើបបានជាបើកលេងបានយ៉ាងស្រួលបែបនេះ។
. . គួរបញ្ជាក់ថា កន្លងមកថ្មីៗនេះលោក ឧត្តមសេនីយ៏ឯកស ថេត អគ្គស្នងការរងនិងជាស្នងការរាជធានីភ្នំពេញដែលទើបឡើងកាន់ដំណែងថ្មីបានបញ្ជារអោយអាជ្ញាធរគ្រប់បណ្ដាខណ្ឌទាំង១២ បង្ក្រាបអោយអស់នូវប្រភេទល្បែងសុីសងហ្គេមបាញ់ត្រីដែលលួចលាក់បើកលែងអោយអស់ក្នុងមូលដ្ឋាន ចាំមើលលោកស្នងការមានចំណាត់ការយ៉ាងណាដែរចំពោះទីតាំងនេះដែលកំពុងបើកល្បែងសុីសងខុសច្បាប់ដូចគ្នា៕
