ភ្នំពេញ ៖ នៅថ្ងៃទី២៧ ខែមករា ឆ្នាំ២០១៩ ម្សិលមិញនេះ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១២លើក បណ្ដាលឲ្យមនុស្សស្លាប់៧នាក់ របួសស្រាល១០នាក់ និងរបួសធ្ងន់ ស្រាល ៩នាក់ ។
តាមរបាយការណ៍ពីនាយកដ្ឋាននគរបាលចរាចរណ៍ នៃអគ្គស្នងការដ្ឋាននគរបាលជាតិបាន ឲ្យដឹងថា នៅក្នុងហេតុការណ៍គ្រោះថ្នាក់ចរាចរណ៍ទាំង១២លើកនេះ បណ្ដាលឲ្យខូតខាត ម៉ូតូចំនួន ១១គ្រឿង, រថយន្តតូច៩គ្រឿង, រថយន្តធំ១គ្រឿង និងយានយន្តផ្សេងៗ១គ្រឿង ហើយមូល ហេតុ ដែលបណ្ដាលឲ្យកើតមានគ្រោះថ្នាក់ចរាចរណ៍រួមមានល្មើសល្បឿន, ប្រជែង, មិនគោរពសិទ្ធិ។
របាយការណ៍បញ្ជាក់ថា រយៈពេល២៧ថ្ងៃ ចាប់ពីថ្ងៃទី១ដល់ថ្ងៃទី២៧ ខែមករា ឆ្នាំ២០១៩នេះ មាន ករណីគ្រោះថ្នាក់ចរាចរណ៍កើតឡើងចំនួន ២៨៤លើក បណ្ដាឲ្យមនុស្សស្លាប់ចំនួន ១២១នាក់, របួសធ្ងន់២៨៣នាក់ និងរបួសស្រាល១៥៧នាក់៕
