ព្រៃវេង៖ស្ត្រីម្នាក់បានស្លាប់នៅកន្លែង កើតហេតុ និងបុរសម្នាក់ទៀតបានរងរបួសធ្ងន់ក្នុងករណីគ្រោះថ្នាក់ចរាចរណ៍ក្រឡាប់រថយន្តកាមរីបាឡែនទៅក្រោមជើងស្ពានអ្នកលឿងពេលរំលងអាធ្រាត្រ។
សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ បានកើតឡើង កាលពីវេលោម៉ោង២ រំលងអាធ្រាត្រចូលថ្ងៃទី០៣ ខែមិថុនា ឆ្នាំ២០១៥ នៅត្រើយខាងកើតស្ពានត្សឹបាសា ស្រុកពាមរ៏ ខេត្តព្រៃវែង ដោយរថយន្តកាមារីបាឡែនមួយគ្រឿង បានបើកទៅបុកបង្កាន់ដៃស្ពានត្សឹបាសា ឬស្ពានអ្នកលឿង ធ្លាក់ទៅក្រោមបណ្តាលអោយស្លាប់ម្នាក់ និងរបួសធ្ងន់ម្នាក់។
ជនរងគ្រោះដែលស្លាប់ឈ្មោះអ៊ួ រដ្ឋា ភេទស្រី អាយុ៣៦ឆ្នាំ មានទីលំនៅក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ និងអ្នករួមដំណើររងរបួសធ្ងន់ឈ្មោះទូច ភេទប្រុស អាយុ២៨ឆ្នាំ។
តាមប្រភពព័ត៌មាន បានឲ្យដឹងថាមុនពេលកើតហេតុ គេបានឃើញរថយន្តតូយ៉ូតា កាមារីបាឡែន ពណ៌ខ្មៅ ពាក់ស្លាកលេខភ្នំពេញ 2E-5083 ធ្វើដំណើរឡើងស្ពានអ្នកលឿង សំដៅឡើងមកភ្នំពេញ ក្នុងល្បឿនលឿន លុះមកដល់ចំណុច កើតហេតុខាងលើ ស្រាប់តែបុកបង្កាន់ដៃស្ពាន ធ្លាក់ទៅក្រោម បណ្តាលឲ្យស្ត្រីម្នាក់ស្លាប់ និងបុរសម្នាក់របួសធ្ងន់ត្រូេះគេជួយដឹកបញ្ជូនទៅមន្ទីរពេទ្យដើម្បីសង្គ្រោះ ។
ប្រភពបន្តថា រថយន្តត្រូវបានសមត្ថកិច្ច ស្ទូចយកទៅរក្សាទុកនៅអធិការដ្ឋាននគរបាលស្រុកស្រុកពាមរ៏ រង់ចាំ ដោះស្រាយតាមច្បាប់ជាក្រោយ។ចំណែកសពត្រូវបានសមត្ថកិច្ច បានទាក់ទងទៅក្រុមគ្រួសារ មកទទួលយកទៅធ្វើបុណ្យ ៕ K
