ភ្នំពេញ ៖ ថ្លែងក្នុងកិច្ចប្រជុំស្តីពីការត្រៀមរៀបចំទិវាប្រចាំមួយនេះនាទីស្តីការក្រសួងកាលពីព្រឹក ថ្ងៃទី១១ កុម្ភៈ រដ្ឋមន្ត្រីក្រសួងទេសចរណ៍ ឯកឧត្តម ថោង ខុន មានប្រសាសន៍ថា ចំពោះបញ្ហា ទីក្រុងស្អាតនេះ យើងពិតជាធ្វើឲ្យសម្រេចបានមួយចំនួនធំហើយទាំងបញ្ហាបរិស្ថាន បញ្ហាអនា ម័យ រួមទាំងការរីកចំរើនជាទូទៅរបស់ទីក្រុងរបស់យើង ជាពិសេសរាជធានីភ្នំពេញដែលកំពុង មានការលូតលាស់ខ្លាំង និងដែលកំពុងទទួលបានការសរសើរពីភ្ញៀវជាតិ អន្តរជាតិ។

លោក ថោង ខុន បានគូសបញ្ជាក់ថា កម្ពុជា ជាទឹកដីដ៏សម្បូរបែបនៃតំបន់ ទេសចរណ៍បែបវប្បធម៌ និងបែបធម្មជាតិ អញ្ចឹងហើយទើបរាជរដ្ឋាភិបាលបាន និងកំពុងខិតខំ ប្រឹងប្រែងជាខ្លាំងក្នុងការទាក់ទាញភ្ញៀវទេសចរឲ្យមកកម្សាន្ត ដើម្បីយើងអាចទាញយក ចំណូលពីពួកគេមកចាក់បញ្ចូលទៅក្នុងសេដ្ឋកិច្ចជាតិ។ ដូច្នេះដើម្បីអាចទាក់ទាញអ្នកទេសចរ បានយើងត្រូវមានការផ្សព្វផ្សាយពីអ្វីដែលយើងមានឲ្យគេបានដឹង ហើយទៅពេលដែលពួកគេ ធ្វើដំណើរមកដល់ គឺមិនឲ្យខកចិត្ត មានន័យថា យើងត្រូវមានកញ្ចប់ទេសចរណ៍មួយល្អសំរាប់ ភ្ញៀវទេសចរ គឺល្អទាំងតម្លៃ ល្អទាំងសេវាកម្ម រួមទាំងភាពទាក់ទាញនានាដែលប្រកបដោយ ស្មាមញញឹម រួសរាយរាក់ទាក់ និងស្មោះត្រង់របស់ប្រជាជនកម្ពុជា។ លោកថា ការរៀបចំ ទិវាជាតិទីក្រុងស្អាតប្រចាំឆ្នាំ គឺមានសារសំខាន់ណាស់ក្នុងការកលើកកម្ពស់ការយល់ដឹង សំរាប់អាជ្ញាធរផង និងសំរាប់ប្រជាពលរដ្ឋផងឲ្យមានការរួមគ្នាក្នុងការធ្វើឲ្យទីក្រុងរបស់ខ្លួន ស្អាត ដើម្បីក្លាយជាទីចាប់អារម្មណ៍របស់អ្នកទេសចរ។

ដោយឡែកលោក ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ និង ជាអគ្គលេខាធិការគណៈកម្មាធិការជាតិវាយតម្លៃទីក្រុងស្អាតមានប្រសាសន៍ថា ការរៀបចំ ទិវាជាតិទីក្រុងស្អាតប្រចាំឆ្នាំលើកទី៧ ដែលប្រារព្ធធ្វើឡើងនៅថ្ងៃទី២៥ ខែកុម្ភៈ ឆ្នាំ២០១៩ ខាងមុខ នឹងមានការប្រគល់រង្វាន់ដល់ជ័យលាភីចំនួន៣ រួមមាន៖ រង្វាន់សម្តេចតេជោនាយក រដ្ឋមន្ត្រីសំរាប់ធុរកិច្ចបៃតងក្នុងវិស័យទេសចរណ៍លើកទី៣, ជ័យលាភីសំរាប់ទីក្រុងដែលបាន រៀបចំពិធីបុណ្យឆ្លងឆ្នាំសកលល្អជាងគេលើកទី១ រួមនិងជ័យលាភីបង្គន់អនាម័យសាធារណៈ កម្ពុជាស្អាតលើទី១ ផងដែរ៕