សុខភាព ៖ ក្រៅពីយកមកធ្វើជាបន្លែ ខ្ញីត្រូវបានណែនាំប្រើដូចជាឱសថធម្មជាតិមួយដែលអាចជួយ ព្យាបាលយ៉ាងមានប្រសិទ្ធភាពចំពោះជំងឺជាច្រើនប្រភេទ ប៉ុន្តែវាក៏អាចធ្វើឱ្យអាការៈធ្ងន់ធ្ងរថែមលើបញ្ហាមានស្រាប់មួយចំនួនក្នុងសរីរាង្គ ។ ដូច្នេះ អ្នកត្រូវចៀសវាង ការប្រើប្រាស់ខ្ញីដាច់ខាតក្នុងករណីមួយ ចំនួនខាងក្រោមនេះ៖

១. អ្នកមានជំងឺឈាម
ប្ញសខ្ញីជាសារជាតិប្រឆាំង កំណកឈាមមួយ, ធ្វើឱ្យឈាមរាវ, ជួយជំរុញចរាចរឈាម ។ ដូច្នេះប្រសិន អ្នកកំពុងព្យាបាលជំងឺមួយចំនួនអំពី ឈាមដូចជា ជំងឺឈាមពិបាកកក ខ្ញីនឹងក្លាយជាឱសថធ្វើឱ្យ ស្ថានភាពប្រែជា ធ្ងន់ធ្ងរជាង ហើយស្នាមកាត់តូចមួយ ក៏អាចក្លាយជារបួសធ្ងន់ធ្ងរបំផុត ។

ដោយសារឥទ្ធិពលកំណត់ របស់ខ្ញីចំពោះជំងឺសរសៃឈាមបេះដូង, រលាកសន្លាក់សណ្ឋានទាប ឬកូឡេស្តេរ៉ូល ខ្ពស់, ល្អបំផុតអ្នកមិនត្រូវប្រើប្រាស់ខ្ញី ប្រសិនមិនបានសួរយោបល់វេជ្ជបណ្ឌិត ។

២. អ្នកកំពុងលេបថ្នាំតាម វេជ្ជបញ្ជា
មិនចំពោះថាឱសថប្រភេទ ណាក៏ដោយ ក៏ត្រូវបានបង្កើតឡើងដើម្បី ដោះស្រាយស្ថានភាពជាក់ស្តែងតាម បែបផែនកំណត់មួយក្នុងសរីរាង្គ, អម ជាមួយនោះ គឺបង្កប់ដោយប្រតិកម្ម បន្ទាប់បន្សំអាចកើតឡើង ។ ដោយសារ ខ្ញីមានលក្ខណៈដូចជាឱសថពិតមួយ វាអាចបង្កភាពមិនប្រក្រតីពេលគួបផ្សំ ជាមួយថ្នាំផ្សេងៗ ។

ខ្ញីជាសារជាតិធ្វើឱ្យឈាមរាវ ធម្មជាតិមួយ, ជួយបន្ថយសម្ពាធឈាម និងសម្រួលបរិមាណស្ករ ក្នុងឈាម, ដូច្នេះប្រសិនត្រូវបានប្រើប្រាស់ជាមួយ ថ្នាំមានមុខងារដូចគ្នា នឹងធ្វើឱ្យលើសកម្រិត និងពិបាកគ្រប់គ្រងផលវិបាក ។

៣. ស្ត្រីមានគភ៌
តែប្ញសខ្ញីត្រូវបានបញ្ជាក់ថា ជួយបន្ថយអាការៈចង់ក្អួត និងចាញ់កូន ក្នុង៣ខែដំបូង ។ ប៉ុន្តែបន្ទាប់ពីនោះ ស្ត្រីមានគភ៌គួរកំហិតការប្រើប្រាស់ខ្ញី ព្រោះវាអាចបណ្តាលឱ្យកន្ត្រាក់មាត់ ស្បូន, ធ្ងន់ធ្ងរជាងនេះ គឺសម្រាលកូនមិន គ្រប់ខែ ឬ រលូតកូន ។

៤. អ្នកខ្វះទម្ងន់
ខ្ញីរំញោចរំលាយអាហារ, នោះជាហេតុផលដែលវាមានប្រសិទ្ធ ភាពក្នុងការព្យាបាលជំងឺពាក់ព័ន្ធដល់ ក្រពះ និងផ្លូវពោះវៀន ។ ប្រសិនអ្នក កំពុងខ្វះទម្ងន់, អ្នកចាំបាច់ត្រូវពន្យឺត ដំណើរការរំលាយអាហារ និងស្រូប យកកាន់តែច្រើននូវសារជាតិជីវជាតិពី អាហារកាន់តែល្អ ។ បរិមាណជាតិ សរសៃខ្ពស់ក្នុងប្ញសខ្ញី ធ្វើឱ្យអាហារ បន្លាស់ទីលឿនជាងក្នុងប្រព័ន្ធរំលាយ អាហារ, ទន្ទឹមនោះ សារជាតិផ្សេងៗ មានក្នុងខ្ញី ក៏អាចជំរុញការបំប្លែង សារជាតិ និងជំនួយបញ្ចុះទម្ងន់ ៕