ភ្នំពេញ ៖ ចិន បានដាក់សម្ភោធមហោស្រព ទស្សសនីយភាព របាំសណ្តែកក្រហម ភាគខាងត្បូងនៃវប្បធម៍ ខេត្តជាំងស៊ូ ប្រទេសចិន នៅលើទឹកដីកម្ពុជា កាលពីដើមសប្ដាហ៍នេះ នៅមហោស្រពកោះពេជ្រ រាជធានីភ្នំពេញ ដើម្បីបង្ហាញជូនភ្ញៀវទេសចរ និងវិនិយោគិនរបស់ខ្លួន កំពុងមានវត្តមាននៅលើទឹក ដីប្រទេសកម្ពុជា ។

លោក ឯក សំអុល ប្រធានសមាគមមិត្តភាពកម្ពុជា ចិនបានថ្លែងក្នុងពិធីសម្ភោធ មហោស្រព ទស្សនីយភាពរបាំប្រចាំ ខេត្តជាំងស៊ូនេះថា យើងទាំងអស់គ្នាបានដឹងហើយថា ឆ្នាំ២០១៩នេះ គឺជា ឆ្នាំដ៏ប្រពៃបន្ថែមមួយកម្រិតទៀត នៃមិត្តភាពដែកថែបរវាងកម្ពុជានិងចិន ដែលប្រមុខដឹកនាំនៃ ប្រទេសទាំងពីរ បានកំណត់យកថាជាឆ្នាំវប្បធម៌-ទេសចរណ៍កម្ពុជា-ចិន។ លើសពីនេះ ឆ្នាំ២០១៩ ជាការចាប់ផ្តើមនៃគីឡូម៉ែត្រថ្មីនៃសករាជទំនាក់ទំនងរវាងកម្ពុជានិងចិនលើការផ្សារភ្ជាប់យុទ្ធសាស្ត្រខ្សែក្រវាត់១ ផ្លូវ១ និងយុទ្ធសាស្រ្តចតុកោណ។

លោក វ៉ាង វិនធាន ឯកអគ្គរដ្ឋទូតសាធារណរដ្ឋប្រ ជាមានិតចិន ប្រចាំព្រះរាជាណាចក្រកម្ពុជា បានមានប្រសាសន៍ថា ខេត្តជាំងស៊ូ គឺជាខេត្តសេដ្ឋកិច្ចមួយ ដែលរីកចម្រើនៅតំបន់ឆ្នេរសមុទ្រ ភាគ ខាងកើតនៃប្រទេសចិនហើយជាខេត្តមួយក្នុងចំណោមខេត្តរីកចំរើនបំផុតនៅក្នុងប្រទេសចិន តាំងពី សម័យបុរាណ ។ជាពិសេសចាប់តាំងពីមានការកំណែទម្រង់ និងការបើកចំហរបស់ប្រទេសចិន ខេត្ត ជាំងស៊ូ តែងតែឈានមុខគេក្នុងការអភិវឌ្ឍសេដ្ឋកិច្ចរបស់ប្រទេសចិន ហើយក្នុងរយៈ ៤០ ឆ្នាំ ជាប់គ្នានៃការអភិវឌ្ឍយ៉ាងឆាប់រហ័សដែលធ្វើអោយការរស់នៅរបស់ប្រជាជនក្នុងទីក្រុងនិងជនបទមានការផ្លាស់ប្តូរនិងស្ថិតនៅលំដាប់ជួរមុខគេ ។

លោកបន្តថា បន្ថែមពីលើសេដ្ឋកិច្ច ខេត្តជាំងស៊ូ ក៏មានវប្បធម៌ជាទីមោទនភាពផងដែរ ។ រចនាបថជំនាន់អ៊ូ និងហាន ដែលមានរួមបញ្ចូលធាតុទាំងខាងជើង និងខាងត្បូង គឺមានគ្រឹះយ៉ាង ជ្រាល ជ្រៅ ។ ភាពទាក់ទាញនៃទេសភាពភាគខាងត្បូងដ៏សម្បូរបែបជាបេតិកភណ្ឌអរូបីដែលបានបង្ហាញ ពីតំបន់ និងលក្ខណៈពិសេសរបស់ខេត្ត។ ការបង្ហាញរបាំនេះ ដែលមានចំណងជើងថា “សណ្តែកក្រហម ហុងនូវប្រទេសភាគខាងត្បូង” គឺជាប្រធានបទទាក់ទងតំបន់សេដ្ឋកិច្ច ពិសេសក្រុងព្រះសីហនុដែល ជាស្នាដៃសិល្បៈពិតប្រាកដនិយម។ អាចជួបជជែកជាមួយអ្នកស្នងមរតកទាំងនេះដោយផ្ទាល់។

លោកបញ្ជាក់ថា ប្រទេសចិននិងកម្ពុជាគឺជាមិត្តល្អនិងអ្នកជិតខាងល្អនឹងគ្នា ។ ថ្មីៗនេះ ដំណើរ ទស្សន កិច្ចរបស់សម្តេចនាយករដ្ឋមន្ត្រី ហ៊ុន សែន ទៅកាន់ប្រទេសចិន ដែលបានជួបជាមួយមេដឹក នាំចិន និងបានឈានដល់ការមូលមតិគ្នា ជាថ្មីលើការអភិវឌ្ឍបន្ថែមទៀតនូវភាពជាដៃគូ កិច្ចសហ ប្រតិបត្តិការជាយុទ្ធសាស្ត្រលើគ្រប់វិស័យរវាងប្រទេសទាំងពីរ ។ ភាគីទាំងពីរបានកំណត់នៅក្នុងសេចក្តីថ្លែងការណ៍រួមដែលចេញផ្សាយដោយបញ្ជាក់យ៉ាងច្បាស់ថា ភាគីចិនមានឆន្ទៈបន្តគាំទ្រអាជីវកម្មមានកេរ្តិ៍ឈ្មោះរបស់ចិនក្នុងការវិនិយោគនៅក្នុងប្រទេសកម្ពុជាដោយអនុវត្តកិច្ចសហប្រតិបត្តិការក្នុងវិស័យហេដ្ឋារចនាសម្ព័ន្ធនិងគម្រោងសំខាន់ដទៃទៀតតួយ៉ាងតំបន់សេដ្ឋកិច្ចពិសេសក្រុងព្រះសីហនុជាដើម”។

គួរបញ្ជាក់ផងដែរ នៅក្នុងឱកាសដ៏ថ្លៃថ្លានោះ សម្ដេចព្រះរៀម នរោត្តមបុប្ផាទេវី សមាជិកក្រុមប្រឹក្សា ធម្មនុញ្ញ ក៏បានយាងចូលរួម និងទតនៅការសម្ដែងរបស់សិល្បករ មកពីខេត្តជាំងស៊ូប្រទេសផងដែរ ក្នុងនោះទ្រង់ក៏មានព្រះបន្ទូលថា ទំនាក់ទំនងល្អរវាប្រទេសចិន និងប្រទេសកម្ពុជា មិនមែនទើបតែ កើត ឡើងនៅពេលថ្មីៗនេះទេ ពោលគឺបានកើតយូរមកហើយ ជាពិសេសនៅជំនាន់សម្ដេច ព្រះ នរោត្តមសីហនុ ដែលបានរឹតចំណងមិត្តភាពប្រទេសទាំងពីរកាន់តែជិតស្និទ្ធ ៕