កូរ៉េ ៖ មេដឹកនាំរបស់ខ្លួនលោក គីម ជុងអ៊ុន នឹងបន្តធ្វើ«ទស្សនកិច្ចសុឆន្ទៈផ្លូវការ» ដាច់ដោយឡែកមួយ នៅប្រទសវៀតណាម រហីតដល់ថ្ងៃសៅរ៍ ទី២ ខែមីនា បន្ទាប់ពីបញ្ចប់ជំនួបកំពូលជាមួយប្រធានាធិបតីអាមេរិក លោក ដូណាល់ ត្រាំ។

រព័ន្ធផ្សព្វផ្សាយរដ្ឋកូរ៉េខាងជើង បានរាយការណ៍កាលពីថ្ងៃពុធ ថា លោក គីម ជុងអ៊ុន កាលពីល្ងាចថ្ងៃអង្គារ បានទៅដល់សណ្ឋាគារប្រណីតមួយ Melia Hotel ក្នុងក្រុងហាណូយបានអង្គុយស្តាប់របាយការណ៍ពីមន្ត្រីកូរ៉េខាងជើង អំពីកិច្ចពិភាក្សាកំរិតការងារជាមួយមន្ត្រីអាមេរិក នៅមុនជំនួបកំពូលរបស់លោកជាមួយលោក ត្រាំ។
កាលពីយប់ថ្ងៃអង្គារ នេះដដែល លោក ត្រាំ បានជិះយន្តហោះទៅដល់ក្រុងហាណូយ និងក្បួនរថយន្តបាននាំលោកទៅកាន់សណ្ឋាគារមួយក្នុងរដ្ឋធានីនោះដែរ។

តាមកម្មវិធី មេដឹកនាំកំពូលទាំងពីរ ត្រូវរៀបចំជួបទទួលទានអាហារពេលល្ងាចក្នុងលក្ខណៈឯកជនមួយនៅល្ងាចថ្ងៃពុធទី២៧ ខែកុម្ភៈ ចំណែកការពិភាក្សាជាផ្លូវការ នឹងចាប់ផ្តើមនៅថ្ងៃព្រហស្បត៍ ខែកុម្ភៈ ដោយបន្តនិយាយអ្វីដែលពួកលោកបានព្រមព្រៀងគ្នាក្នុងជំនួបលើកទី១ នៅសិង្ហបុរី៕