ចិន ៖ រដ្ឋាភិបាលចិនបាននិយាយថា សហរដ្ឋអាមេរិក និងប្រទេសចិន បានព្រមព្រៀងគ្នា ដើម្បីបន្តកិច្ចពិភាក្សា លើជំលោះពាណិជ្ជកម្មរបស់ប្រទេសទាំងពីរ ខណះដែលប្រធានា ធិបតី អាមេរិក លោក Donald Trump បាននិយាយថា ការពិភាក្សានាពេលថ្មីៗ នេះ នៅទីក្រុងប៉េកាំង នឹងទទួលបានជោគជ័យ។

មតិយោបល់ ដែលមានភាពសុទិដ្ឋិនិយមបន្តិចបន្តួចនេះ បានធ្វើឡើង បន្ទាប់ពីភាគី ទាំងពីរ បានបង្កើនសង្គ្រាមពាណិជ្ជកម្មដាក់គ្នា ដោយប្រទេសចិន បានប្រកាសអំពីការដាក់ ពន្ធថ្មី លើការនាំចូលរបស់សហរដ្ឋអាមេរិក បន្ទាប់ពីសហរដ្ឋអាមេរិក កំណត់ទិសដៅដាក់ ពន្ធ លើការនាំចូលរបស់ប្រទេសចិន កាលពីសប្តាហ៍មុន។

អ្នកនាំពាក្យក្រសួងការបរទេសចិន លោក Geng Shuang បាននិយាយក្នុង សន្និសីទ សារព័ត៌មានប្រចាំថ្ងៃ ថា ប្រទេសចិន និងសហរដ្ឋអាមេរិក បានព្រមព្រៀងបន្តការពិភាក្សាដែលពាក់ព័ន្ធ ហើយរបៀបដែលប្រទេសទាំងពីរនឹងបន្តនោះ អាស្រ័យលើការពិគ្រោះ យោ បល់បន្ថែមរវាងភាគីទាំងពីរ។ ទន្ទឹមនឹងនេះ លោកក៏បានបន្ទោសនៅលើទីក្រុង វ៉ាស៊ីនតោន ដែលបានត្រលប់ទៅធ្វើតាមអ្វីដែលបាននិយាយ នៅក្នុងកិច្ចប្រជុំមុនៗ ហើយប្រទេសចិន បានបង្ហាញនូវសុច្ឆន្ទៈ នៅក្នុងកិច្ចចរចា និងបានរក្សាតាមការសន្យា របស់ខ្លួន។ ទស្សនវិស័យនៃសេដ្ឋកិច្ចសកល ដែលកំពុងធ្លាក់ចុះ ដោយសារអាមេរិក និងប្រទេសចិន ធ្វើអោយជម្លោះអូសបន្លាយកាន់តែវែង ដែលធ្វើឱ្យអ្នកវិនិយោគរង្គោះរង្គើ និងនាំឱ្យមាន ការលក់ធ្លាក់ចុះយ៉ាង ខ្លាំង លើទីផ្សារ៕