បរទេស ៖ យោងតាមប្រជាជនមួយចំនួន នៅទីក្រុងម៉ិកស៊ីក បានឱ្យដឹងថា អតិថិជនអាមេរិកនឹងបង់ថ្លៃ ពន្ធ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានគំរាមដាក់ពន្ធលើទំនិញនាំចូល ពីប្រទេសម៉ិកស៊ិក ចំនួន5 ភាគរយ។

លោក Trump បានប្រកាសថា ពន្ធ 5 ភាគរយ ដែលគ្របដណ្តប់លើផលិតផលរបស់ប្រទេស ម៉ិកស៊ិក ដែលត្រូវបានលក់ចេញ ទៅកាន់សហរដ្ឋអាមេរិក នឹងត្រូវបានអនុវត្តនៅថ្ងៃទី 10 ខែមិថុនា តទៅ ប្រសិនបើប្រទេសនេះ មិនបានបង្កើនសកម្មភាពអនុវត្តច្បាប់អន្តោប្រវេសន៍របស់ខ្លួននោះទេ។

ប្រជាជនម៉ិចស៊ិកមួយចំនួន បាននិយាយថា ការដាក់ពន្ធលើទំនិញរបស់ម៉ិចស៊ិក នឹងនាំឱ្យមានការចំណាយខ្ពស់ សម្រាប់អ្នកនាំចេញ និងអ្នកផលិតម៉ិចស៊ិក ខណៈដែលអតិថិជនអាមេរិក នឹងបង់ថ្លៃពន្ធ ។

ការគំរាមកំហែងពន្ធនេះ នឹងមិនជួយកាត់បន្ថយភាពតានតឹងរវាង សហរដ្ឋអាមេរិក និង ប្រទេសម៉ិកស៊ិកទេ ហើយថែមទាំងបង្កើនភាពតានតឹងទៀតផង។ ប្រជាជន បាននិយាយថា ការការពារនិយមពាណិជ្ជកម្ម នេះ នឹងមិនផ្តល់ផលល្អចំពោះប្រជាជនម៉ិកស៊ិក ឬអាមេរិកនោះទេ ដោយប្រជាជនម៉ិកស៊ិក ការចំណាយលើការនាំចេញ នឹងកើនឡើងខ្ពស់ ហើយអតិថិជនអាមេរិក ត្រូវតែចំណាយច្រើនជាងមុន សម្រាប់ការទិញទំនិញម៉ិចស៊ិក។

ប្រជាជន និយាយថា សហរដ្ឋអាមេរិកកំពុង ដាក់លពន្ធទៅលើប្រទេសផ្សេង ដើម្បី ទប់ស្កាត់ការអភិវឌ្ឍ របស់ប្រទេសទាំងនោះ។ ប្រជាជនទាំងនោះ បាននិយាយថា រដ្ឋាភិ បាលអាមេរិក កំពុងកែសម្រួលប្រព័ន្ធពាណិជ្ជកម្ម និងសេដ្ឋកិច្ចរបស់ខ្លួន ដើម្បីប្រកួតប្រជែងជាមួយប្រទេសចិន ៕