ដោយ ៖ សហការី

ខេត្តកំពង់ចាម ៖ ដើម្បីអភិវឌ្ឈន៏ផ្លូវថ្នល់ក្នុងឃុំចំនួន៦ រួមមាន ឃុំស្រម៉ ឃុំត្រពាំងគរ ឃុំព្រៃចារឃុំព្រីងជ្រុំ ឃុំផ្តៅជុំ ឃុំសំពងជ័យ ដែលមានទឹកប្រាក់រាប់រយលានរៀល ត្រូវបានរៀបចំដាក់ឲ្យដេញថ្លៃ នាព្រឹកថ្ងៃទី១៤ មិថុនា ២១៩ នេះ នៅសាលប្រជុំសាលាស្រុកជើងព្រៃ ។

ក្នុងឱកាសនោះ មានក្រុមហ៊ុនជាច្រើនបានចូលរួមដេញថ្លៃដោយមានតម្លាភាព ក្នុងនោះក៏មានក្រុមហ៊ុន១ ត្រូវបានគណ៖កម្មការប្រកាសលុបឈ្មោះចេញពីបញ្ជីមិនឲ្យចូលរួមដេញថ្លៃក្នុងថ្ងៃនោះទេ ដោយសារតែបានប្រព្រិត្តខុសនីតិវិធីដេញថ្លៃ ហើយក៏ជាការព្រមានដ
ល់ក្រុមហ៊ុនផ្សេងទៀតឲ្យមានការប្រុងប្រយ័ត្នផងដែរ។

លោក អូត ឈាងលី អភិបាលស្រុកជើងព្រៃ ឲ្យដឹងថា រាល់ពេលមានការដេញគម្រោងធំៗគឺកន្លងមកមានវត្តមានឯកឧត្តម គួច ចំរើន អភិបាលនៃគណៈអភិបាលខេត្តបានអញ្ចើញចូលរួមដេញថ្លៃហើយនៅព្រឹកថ្ងៃទី១៤មិថុនា ត្រូវបានឯកឧត្តម អ៊ុភឿន គុណវុឌ្ឈ អភិបាលរងខេត្តនិងសហការីបានចូលរួមតាមដានសង្កេតដោយផ្ទាល់មើលទិដ្ឋភាពនៃការដេញថ្លៃគម្រោងចំនួន០៦ឃុំ ហើយក៏បានស្នើសុំឲ្យបណ្តាឃុំនីមួយៗធ្វើយ៉ាងណាការប្រព្រិត្តិទៅមានតម្លាភាពនិងអាចទទួលយកបាន ក្នុងការសាងសង់ផ្លូវលំងាយស្រួលដល់ពលរដ្ឋក្នុងការធ្វើដំណើរនោះតាមភូមិឋាន។

ឯកឧត្តមអ៊ុភឿន គុណវុឌ្ឈ អភិបាលរងខេត្តមានប្រសាសន៏ថា ក្នុងការដេញថ្លៃឃុំចំនួន៦នេះរូបលោកមកដើម្បីតាមដានមើលការដេញថ្លៃ បានប្រព្រិត្តទៅតាននីតិវិធីនិងមានតម្លាភាពដែរទេ ហើយប្រសិនបើមានក្រុមហ៊ុនដេញថ្លៃណាមួយបង្កភាពអាណាធិបតេយ្យនោះ នឹងត្រូវដេញចេញមិនអនុញ្ញាតឲ្យដេញថ្លៃឡើយ។ កន្លងមកដោយសារតែមានក្រុមហ៊ុនមួយនៅស្រុកជើងព្រៃ មិនបានគោរពតាមនីតិវិធីច្បាប់នៃដេញថ្លៃទើបរូបលោកលុបឈ្មោះចោល មិនឲ្យចូលរួមដេញថ្លៃនៅក្នុងខេត្តកំពង់ចាម ។

លោក អ៊ុភឿន គុណវុឌ្ឈ អភិបាលរងខេត្តមានប្រសាសន៏បន្តថា ក្រុមហ៊ុនដែលមកចូលរួមដេញថ្លៃសូមយកស្រោមសំបុត្រមកដាក់ក្នុងហឹប និងូមពិនិត្យមើលតំលៃឲ្យបានច្បាស់លាស់ផងដែរ ។សម្រាប់លទ្ធផលយកកអ្នកណាដែលបានដេញថ្លៃតិចជាងគេនឹងឈ្នះ នេះជាល័ក្ខណ្ឌនៃការដេញថ្លៃក្នុងករណីបើអ្នកដេញទី១ ពិនិត្យឃើញតួរលេខសរសេរមិនត្រូវ និងត្រូវជ្រើសយកអ្នកនៅបន្ទាប់ ។ មានអ្នកខ្លះមកដេញចង់តាមរយៈ «ទឹកតែ» គឺត្រូវហាមឃាត់មិនឲ្យមាននោះទេ សូមរក្សានូវភាពថ្លៃថ្នូក្នុងពេលដែលមកចូលរួមដេញថ្លៃ គោរពបទបញ្ជារផ្ទៃក្នុងដែលមានជាច្រើនចំនុច ។

សូមជម្រាបថា ការដេញថ្លៃលសាងហេដ្ឋរចនាសម្ព័ន្ធផ្លូវថ្នល់នៅតាមបណ្តាឃុំ ស្រុក នានា ក្នុងខេត្តកំពង់ចាមនាពេលកន្លងមក តែងមានភាពរញ៉េរញ៉ៃយ៉ាងអនាធិបតេយ្យ ទើបនៅដំណាក់កាលចុងក្រោយនេះ លោក គួច ចំរើន អភិបាលនៃគណៈអភិបាលខេត្ត បានសម្រេចយកមកដាក់ដេញថ្លៃនៅសាលាស្រុកផ្ទាល់ ដើម្បីបញ្ជៀសនូវបញ្ហាផ្សេងៗមិនឲ្យមាន៕