សហជីពចំនួន៨ធ្វើយុទ្ធនាការទាមទារប្រាក់ខែ១៧៧ដុល្លារ
ភ្នំពេញ៖ក្រុមសហជីពចំនួន៨ បានធ្វើយុទ្ធនាការប្រមាណជា៣០០កន្លែងនៅទូទាំងប្រទេសកម្ពុជា នៅថ្ងៃត្រង់ ថ្ងៃទី១៧ ខែកញ្ញានេះដើម្បីជំរុញឲ្យអ្នកបញ្ជាទិញគិតគូរពីការតម្លើងប្រាក់ខែកម្មករឲ្យបាន សមរម្យ ដើម្បីឲ្យការរស់នៅរបស់កម្មករមានសេចក្តីថ្លៃថ្នូរ និងជាការគិតគូរពីសុខភាពរបស់កម្មករ ។
លោកប៉ាវ ស៊ីណា មានប្រសាសន៍ថា យុទ្ធនាការនេះធ្វើទ្បើងនៅវេលាម៉ោង ១១:៣០នាទី ទៅដល់ម៉ោង១២ថ្ងៃត្រង់មានក្រុមសហជីពប្រមាណជា៣០០កន្លែងនៅក្នុងប្រទេសខ្មែរដែលមានពាក់អាវពណ៌ទឹកក្រូច មានដាក់សញ្ញាលេខ១៧៧ យើងត្រូវការប្រាក់ឈ្នួល១៧៧ ដុល្លារ។លោកថា យុទ្ធនាការនេះ មានត្រឹមតែរយៈពេល៣០នាទីប៉ុណ្ណោះ កំទ្បុងពេលសហជីពកម្មករទាំងអស់សម្រាកពេលអាហារថ្ងៃត្រង់ ហើយនៅក្រោយសហជីពពួកគេនឹងត្រទ្បប់ចូលទៅធ្វើការដូចដើមវិញ៕
