ភ្នំពេញ ៖ នាព្រឹកថ្ងៃទី១៧ មិថុនា នេះ សម័យប្រជុំរដ្ឋសភាលើកទី២ នីតិកាលទី៦ ក្រោមអធិបតីភាព សម្តេចអគ្គមហាពញាចក្រី ហេង សំរិន ប្រធានរដ្ឋសភា ដោយបានអនុម័តទាំងស្រុងលើសេចក្តីព្រាងច្បាប់ស្តីពីការគ្រប់ គ្រងរ៉ែប្រេងកាត និងផលិតផលរ៉ែប្រេងកាត ដែលជាច្បាប់មួយដ៏មានសារៈសំខាន់ដើម្បីបើកផ្លូវឱ្យកម្ពុជា អាចធ្វើការទាញយកផលពីរ៉ែប្រេងកាតបាន ដែលតាមការអះអាងរបស់ក្រសួងរ៉ែ និងថាមពលបាន ឱ្យដឹងថា កម្ពុជាមានប្លុកប្រេងកាតប្រមាណ ២៥ប្លុក ហើយថាកម្ពុជាបានចាប់ផ្តើមធ្វើសកម្មភាពសិក្សា ស្រាវជ្រាវ និងរុករកធនធានប្រេងកាតដំបូងតាំងតែពីអំឡុងទសវត្សរ៍ទី៦០ ហើយបានបន្តសកម្មភាព នេះជាបន្តបន្ទាប់ តែរហូតមកទល់នឹងពេលនេះកម្ពុជានៅពុំទាន់អាចទាញយកផលពីរ៉ែប្រេងកាតនេះ បាននៅឡើយទេ ព្រោះកម្ពុជាពុំទាន់មានច្បាប់ស្តីពីការគ្រប់គ្រងប្រេងកាត និងផលិតផលប្រេងកាត។

គួររំលឹកថា កាលពីសម័យអតីតរដ្ឋកម្ពុជាបានអនុម័តបទប្បញ្ញត្តិប្រេងកាតនេះដែរដើម្បីធ្វើជា មូលដ្ឋានគ្រឹះ ក្នុងការបើកផ្លូវឱ្យអ្នកវិនយោគទុនចូលរួមធ្វើការដេញថ្លៃជាលក្ខណៈអន្តរជាតិលើកទី១ នៅក្នុងឆ្នាំ១៩៩១។

តែអាស្រ័យដោយបទប្បញ្ញត្តិប្រេងកាតឆ្នាំ១៩៩១ ពុំអាចឆ្លើយតបទៅនឹងការវិវត្ត នៃវិស័យប្រេងកាតក្នុងបរិបទនៃការអភិវឌ្ឋសេដ្ឋកិច្ច សង្គម និងបរិស្ថានរបស់កម្ពុជាបាន ហេតុដូច្នេះ ហើយ ទើបរាជរដ្ឋាភិបាលបានរៀបចំតាក់តែងឡើងវិញនូវសេចក្តីព្រាងច្បាប់ស្តីពីការគ្រប់គ្រងប្រេង កាត និងផលិតផលប្រេងកាត ដើម្បីគ្រប់គ្រង និងអភិវឌ្ឍធនធានប្រេងកាតឱ្យមានប្រសិទ្ធភាព តម្លា ភាព និងគណនេយ្យភាព ទាក់ទាញ និងផ្តល់ទំនុកចិត្តដល់អ្នកវិនិយោគទុន និងដើម្បីជំរុញការ អភិវឌ្ឍវិស័យប្រេងកាតប្រកបដោយនិរន្តរភាព និងប្រសិទ្ធភាពក្នុងការរួមចំណែកអភិវឌ្ឍសេដ្ឋកិច្ច សង្គម និងផលប្រយោជន៍យូរអង្វែងរបស់ប្រទេសជាតិ ស្របពេលដែលការស្វែងរុករក និងការអភិវឌ្ឍ ធនធានប្រេងកាត ទាំងដែនគោក និងដែនសមុទ្រ កំពុងដំណើរការទៅមុខដែលក្នុងនោះប្លុកប្រេងកាត មួយនៅដែនសមុទ្រកំពុងឈានទៅរកការផលិតធនធានប្រេងកាតលើកទី១ ក្នុងប្រវត្តិសាស្ត្ររបស់ កម្ពុជានាពេលខាងមុខនេះ។

សូមជម្រាបជូនថា៖ សម័យប្រជុំរដ្ឋសភាកាលពីព្រឹកមិញនេះ ក្រៅពីការអនុម័តទៅលើច្បាប់ ស្តីពីការគ្រប់គ្រងប្រេងកាត និងផលិតផលប្រេងកាត ក៏មានការពិភាក្សា និងអនុម័តផងដែរអំពីច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងរដ្ឋាភិបាលនៃសាធារណ រដ្ឋប្រជាមានិតបង់ក្លាដេស ស្តីពីការជម្រុញ និងការការពារទៅវិញទៅមកនៃវិនិយោគ,កិច្ចព្រមព្រាង រវាងព្រះរាជាណាចក្រកម្ពុជា និងសហភាពអារ៉ាប់អេមីរ៉េត ស្តីពីការជម្រុញ និងការការពារទៅវិញទៅ មកនៃវិនិយោគ,កិច្ចព្រមព្រាងរវាងព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋតួកគីស្តីពី ការជម្រុញ និងការការពារទៅវិញទៅមកនៃវិនិយោគ រួមនឹងច្បាប់ស្តីពីការបង្កើតអង្គការបណ្តាញអន្តរ ជាតិសម្រាប់ឫស្សី និងផ្តៅ៕