ភ្លើងឆេះបន្ទប់អគ្គលេខាធិការក្នុងស្ថាប័នកម្ចាត់មីនកម្ពុជានៅសង្កាត់ ទួលសង្កែ
ភ្នំពេញ៖បន្ទប់មួយនៃអគ្គលេខាធិការ ដ្ឋានអាជ្ញាធរមីនកម្ពុជាត្រូវអគ្គិភ័យឆាបឆេះបំផ្លាញឯកសារស្ទើរទាំងស្រុងទោះបីជាមានរថយន្តពន្លត់អគ្គិភ័យប្រមាណ១០គ្រឿងជួយបាញ់ពន្លត់យ៉ាងណាក៏ដោយ។
ហេតុការណ៍ភ្លើងឆេះនេះកើតឡើងនៅវេលាម៉ោង៩:៣០នាទីព្រឹកថ្ងៃទី១៨ ខែមិថុនា ឆ្នាំ២០១៨ ក្នុងស្ថាប័នកម្ចាត់មីនកម្ពុជា ស្ថិតនៅក្នុងភូមិទួលសង្កែ ខណ្ឌឬស្សីកែវ រាជធានីភ្នំពេញ។
សមត្ថកិច្ចបញ្ជាក់ថា ក្នុងហេតុការណ៍នេះមិនបង្កឲ្យមានបញ្ហាដល់បុគ្គលិកក្នុងនោះទេ ហើយក៏មិនរាលដាលដល់ផ្ទះពលរដ្ឋជិតខាងនោះដែរ ប៉ុន្តែឯកសារជាច្រើននៅក្នុងការិយាល័យនោះត្រូវបានភ្លើងឆេះខ្ទេចខ្ទីអស់៕ ដោយ៖ សាន
