ខេត្តព្រះវិហារ ៖ បែកធ្លាយលិខិតរបស់លោក លឹម ម៉ៅ អភិបាលរងស្រុកត្បែងមានជ័យ នៃខេត្តព្រះវិហារស្នើសុំសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សុំផ្ទេរក្របខ័ណ្ឌពីមន្ត្រីរាជការស៊ីវិល មកបម្រើការងារ ជាមន្ត្រីក្របខ័ណ្ឌនគរបាលជាតិនៃក្រសួងមហាផ្ទៃ និងសូមតែងតាំងមុខតំណែងជាស្នងការរង នៃស្នងការដ្ឋាននគ របាលខេត្តព្រះវិហារ ។ នេះបើយោងតាមលិខិតចុះថ្ងៃទី២៥ ខែកក្កដា ឆ្នាំ២០១៩ របស់លោក លឹម ម៉ៅ។

នៅក្នុងលិខិតដែលស្នើឡើងតាមរយៈលោកស្នងការ នៃស្នងការដ្ឋាននគរបាលខេត្តព្រះវិហារ និងលោកអភិបាល នៃគណៈអភិបាលខេត្តព្រះវិហារ មានខ្លឹមសារថា ៖
« ខ្ញុំបាទឈ្មោះ លឹម ម៉ៅ ឆ្នាំកំណើត ១៩៧១ អត្តលេខមន្ត្រីរាជការ ១៧១០៧០០០៥៥ ឋានន្តរស័ក្តិឧត្តមមន្ត្រីថ្នាក់លេខ៦ ឋានៈជាអភិបាលរងស្រុកត្បែងមាន ជ័យនៃខេត្តព្រះវិហារ ។សូមគោរពជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃជាទី គោរពដ៏ខ្ពង់ខ្ពស់ តាមរយៈលោកអភិបាលនៃគណៈអភិបាលស្រុកត្បែងមានជ័យ ដោយស្នើសុំផ្ទេរក្របខ័ណ្ឌពីមន្ត្រីរាជការស៊ីវិល មកបម្រើការងារជាមន្ត្រីក្របខ័ណ្ឌនគរបាលជាតិ នៃក្រសួងមហាផ្ទៃនិងសូមតែងតាំ ងមុខតំណែងជាស្នងការរងនៃស្នងការដ្ឋាននគរបាលខេត្តព្រះវិហារ ។

នៅក្នុងលិខិតដដែល លោក លឹម ម៉ៅ បានលើកឡើងថា « ខ្ញុំបាទបានបម្រើការងារជាមន្ត្រីរាជការស៊ីវិលអ ស់រយៈពេល២២ឆ្នាំ មកហើយបច្ចុប្បន្នជាអ ភិបាលរងស្រុកត្បែងមានជ័យនៃខេត្តព្រះវិហារបានឆ្លងកាត់ ការ សិក្សាទទួលបា នសញ្ញាបត្រឧត្តមរុក្ខកម្ម ខ្ញុំបាទមានបំណងចង់ទៅបម្រើការងារជាស្នងការរង នៃស្នងការដ្ឋាននគរបា លខេត្តព្រះវិហា រវិញ ដើម្បីផ្លាស់ប្តូរបទពិសោធន៍ និងដើម្បីរួមចំណែកយ៉ាងសកម្មក្នុងការបម្រើជាតិមាតុភូមិ» ។

ទោះជាយ៉ាងនេះក្តី មកទល់នឹងថ្ងៃទី២៩ ខែកក្កដា នេះ គ្មានមមន្ត្រីណាម្នាក់បានដឹងច្បាស់ថា តើរដ្ឋមន្ត្រីក្រសួងមហាផ្ទៃ នឹងសម្រេចបែបណាចំពោះការស្នើសុំនេះ នៅឡើយទេ៕