ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១៥ ខែសីហា ឆ្នាំ២០១៩ នេះ បានចេញអនុក្រឹត្យសម្រេចផ្តល់ប្រាក់ឧបត្ថម្ភចំនួន ៥ម៉ឺនរៀលដល់មន្ត្រីរាជការនិងកងកម្លាំងប្រដាប់ អាវុធគ្រប់ប្រភេទ ក្នុងឱកាសបុណ្យភ្ជុំបិណ្ឌ ឆ្នាំកុរ ឯកស័ក ពុទ្ធសករាជ ២៥៦៣ ខាងមុខនេះ។

គួរជម្រាបថា ដូចជារៀងរាល់ឆ្នាំ នារដូវបុណ្យភ្ជុំបិណ្ឌ និងចូលឆ្នាំថ្មីប្រពៃណីខ្មែរ សម្តេចតេជោ ហ៊ុន សែន នាយករដ្ខមន្ត្រីកម្ពុជា តែគិតគូរផ្តល់ប្រាក់ឧបត្ថម្ភដល់មន្ត្រីរាជការ និងកងកម្លាំងប្រដាប់អាវុធ គ្រប់ប្រភេទចំនួន ៥ម៉ឺនរៀល ដែលការឧបត្ថម្ភមួយលើកៗ ត្រូវបានចំណាយថវិកាប្រមាណ ៧លាន ដុល្លារអាមេរិក។

ជាមួយគ្នានេះដែរ សម្តេចតេជោ ហ៊ុន សែន នៅបានបន្តលើកស្ទួយជីវភាពរបស់មន្ត្រីរាជការ និង កម្លាំងប្រដាប់អាវុធ ដោយសម្រេចដាក់ចេញនូវគោលការណ៍ ដំឡើងប្រាក់បៀវត្ស ចំនួន២លើក ក្នុង១ឆ្នាំ គឺការដំឡើងប្រាក់បៀវត្សលើកទី១ នៅខែមករា គឺជាការដំឡើងឯកតា នៃសន្ទស្សន៍បៀ វត្ស មូលដ្ឋាន និងការដំឡើងលើកទី២ នៅខែមេសា មុនចូលឆ្នាំខ្មែរ ដែលជាការដំឡើងប្រាក់ បំណាច់មុខងារជូនដល់មន្ត្រីគ្រប់លំដាប់ថ្នាក់៕