GMAC និង ILO ចុះកិច្ចព្រមព្រៀងរួមគ្នាជាមួយរាជរដ្ឋាភិបាលកម្ពុជា បន្តគម្រោងរោងចក្រឲ្យកាន់តែប្រសើរ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 21 November, 2019 ក+ ក-

ភ្នំពេញ ៖ នៅព្រឹកថ្ងៃទី២១ ខែវិច្ឆិកា ឆ្នាំ២០១៩ នេះ រាជរដ្ឋាភិបាលកម្ពុជា ជាមួយសមាគមរោងចក្រកាត់ដេរនៅកម្ពុជា (GMAC) និងអង្គការអន្តរជាតិខាងការងារ (ILO) បានចុះហត្ថលេខាលើអនុស្សរណៈនៃការយោគយល់គ្នា“ ស្តីពី គម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ២០២០-២០២២ ” នៅសណ្ឋាគារសាន់វេ ដែលគ្របដណ្តប់លើវិស័យកាត់ដេរសម្លៀកបំពាក់ និងវាយនភ័ណ្ឌ សម្ភារៈ និងកាបូបធ្វើដំណើរ។ នេះជាអនុស្សរណៈលើកទី៦ហើយ ក្នុងការបន្តទ្រទ្រង់ផ្នែកហិរញ្ញវត្ថុ និងកិច្ចសហការកាន់តែប្រសើរ ដើម្បីឱ្យស្របទៅនឹងការវិវត្តន៍ នៃស្ថានការបច្ចុប្បន្ន និងទៅអនាគត។

នាឱកាសនោះដែរ លោកបណ្ឌិត អ៊ិត សំហេង រដ្ឋមន្រ្តីក្រសួងការងរ និងបណ្តុះបណ្តាលវិជ្ជាជីវៈ ក៏បានបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់ ប្រមុខ រាជរដ្ឋាភិបាលកម្ពុជា បានចាត់ទុកគម្រោងរោងចក្រកាន់តែប្រសើរនៅកម្ពុជា គឺជាដៃគូអភិវឌ្ឍន៍ដ៏សំខាន់ ក្នុងការចូលរួមចំណែក ក្នុងការធានានូវសិទ្ធិការងារ និងលក្ខខណ្ឌការងារល្អប្រសើរ សម្រាប់បងប្អូនកម្មករនិយោជិត និងផ្អែកលើភាពជោគជ័យ នៃការអនុវត្តគម្រោងនេះ។

​លោក ប៉ាន សូរស័ក្ដិ រដ្ឋមន្រ្តីក្រសួងពាណិជ្ជកម្ម លើកឡើងថា តាមរយៈការអនុវត្តគោលនយោបាយ នៃការផ្សារភ្ជាប់ពាណិជ្ជកម្ម ជាមួយនឹងបទដ្ឋានការងារ បានប្រែក្លាយកេរ្តិ៍ឈ្មោះកម្ពុជា ទៅជាប្រទេសដែលឈានមុខគេក្នុងគោលនយោបាយពាណិជ្ជកម្មអន្តរជាតិ និងបានធ្វើឱ្យកម្ពុជា ក្លាយជាប្រទេសគំរូ សម្រាប់ប្រទេសមួយចំនួន យកទៅធ្វើបទពិសោធន៍ សម្រាប់អនុវត្ត និងរៀនសូត្រតាម។

លោកឧកញ៉ា វ៉ាន់ ស៊ូអៀង ប្រធាន GMAC ឲ្យដឹងថា “GMAC នឹងបន្តធ្វើការជាមួយរោងចក្រកាន់តែប្រសើរនៅកម្ពុជា និងរាជរដ្ឋាភិបាលកម្ពុជា ដើម្បីរក្សាការផលិត សុវត្ថិភាពការងារ និងការងារប្រកបដោយចីរភាព សម្រាប់ជាកម្លាំងពលកម្មរបស់កម្ពុជា។

ដោយឡែក លោក Grame Buckley នាយកការិយាល័យ អង្គការ ILO ប្រចាំប្រទេសកម្ពុជា ឡាវ និងថៃ បានកត់សម្គាល់ថា ដោយភាពជោគជ័យក្នុងធ្វើការ ជាមួយ រាជរដ្ឋាភិបាល និង GMAC យើងនឹងបន្តរួមគ្នាលើកកម្ពស់ ការងារសមរម្យ សម្រាប់កម្មករ រាប់រយ រាប់ពាន់នាក់ ជាពិសេសស្ត្រី ហើយក៏ជួយកម្មករ និយោជិត ក្នុងការអភិវឌ្ឍជំនាញថ្មីៗ អាជីវកម្ម ដើម្បីទទួលប្រាក់ចំណេញកាន់តែច្រើនជាងមុន និងក្រុមគ្រួសារពួកគេ ចាកផុតពីភាពក្រីក្រផងដែរ៕

អត្ថបទ​ផ្សេងៗ​ទៀត
  • សម្តេចធិបតី បញ្ជាក់ថា ការវិនិយោគលើវិស័យសុខាភិបាលគឺមិនថយដៃនោះឡើយ
  • ពិធីរាំបេះ “ផ្កាកកោះ” ជាប្រពៃណីមួយរបស់អ្នកស្រុកស្វាយចេក ខេត្តបន្ទាយមានជ័យ
  • ពលរដ្ឋនៅភូមិ ទន្សោងធ្លាក់ ស្រុកសំបូរ១៦នាក់បានពុលនំបញ្ចុក
  • អគ្គស្នងការនគរបាលជាតិ ស្នើឲ្យស្នងការនគរបាលតាមបណ្តាខេត្តធ្វើតេសរកសារធាតិញៀនលើមន្ត្រីរបស់ខ្លួន
  • សម្តេចធិបតី ហ៊ុន ម៉ាណែត ជំរុញឲ្យបន្តធ្វើកំណែទម្រង់ស៊ីជម្រៅលើគ្រប់វិស័យ ក្នុងកងយោធពខេមរភូមិន្ទ
  • រយៈពេលបីថ្ងៃចូលឆ្នាំភ្ញៀវជាតិនិងអន្តរជាតិនាំគ្នាមកលេងខេត្តកំពង់ចាមច្រើនជាងបណ្ដាខេត្តនិងរាជធានីផ្សេងទៀត
  • សង្ក្រាន្តឆ្នាំថ្មីរយៈពេល៤ថ្ងៃនៅស្វាយរៀងភ្ញៀវទេសចរនិងប្រជាពលរដ្ឋមកកម្សាន្តជាងកន្លះលាននាក់
  • សង្រ្កាន្តឆ្នាំថ្មីរយៈពេល៤ថ្ងៃ នៅខេត្តបន្ទាយមានជ័យប្រព្រឹត្តទៅល្អប្រសើរ
  • សម្តេចធិបតី នឹងចូលរួមថ្លែងសុន្ទរកថាក្នុងសន្និបាតរបស់គណៈកម្មការសេដ្ឋកិច្ចនិងសង្គមកិច្ចអាស៊ី-ប៉ាស៊ីហ្វិក
  • លោក មុំ អស្សនី និងភរិយា ថ្លែងអំណរគុណសម្តេចតេជោ ហ៊ុន សែន ដែលបានអភ័យទោសដល់ក្រុមគ្រួសាររបស់ខ្លួន
  • សារសម្លេងសម្តេចតេជោ ហ៊ុន សែន ផ្ញើជូនលោក មុំ អស្សនី ដែលជេរនិងប្រមាថ
  • លោក មុំ អស្សនី សូមការអភ័យទោសពីសម្តេចតេជោ ហ៊ុន សែន
  • សម្តេចតេជោ ហ៊ុន សែន ប្រកាសស្វាគមន៍ខ្មែរនៅអូស្ត្រាលី ដែលធ្លាប់ជេរសម្តេច និងបញ្ជាក់ពីគុណប្រយោជន៍មហាសាលព្រែកជីកហ្វូណន-តេជោ
  • ជនជាតិដើមភាគតិចនៅខេត្តមណ្ឌលគិរីរៀបចំសង្ក្រាន្តអបអរឆ្នាំថ្មី
  • រាជរដ្ឋាភិបាលផ្ដល់អំពូលសូឡា១ពាន់ដើម ដល់ឃុំកោះសូទិនដើម្បីបំភ្លឺតាមដងផ្លូវ
  • គណៈអភិបាលរាជធានីភ្នំពេញអញ្ជើញជូនដំណើរ កម្មករ កម្មការិនី និងប្រជាពលរដ្ឋឡើងរថយន្តក្រុងទៅស្រុកកំណើត
  • កម្ពុជា សម្រេចបានទំហំពាណិជ្ជកម្មនាំចេញ-ចូល ជាង ១២ពាន់លានដុល្លារ នៅត្រីមាសទី១
  • សាកលវិទ្យាល័យជាតិសាំងហ្គាពួរ ប្តេជ្ញាចិត្តបន្តកិច្ចសហប្រតិបត្តិការជាមួយក្រសួងសុខាភិបាល លើកិច្ចការជាអាទិភាពនានា
  • ភ្ញៀវជាតិនិងអន្តរជាតិមកលេងឆ្នេរសមុទ្របាក់ខ្លងយ៉ាងច្រើនកុះករ
  • សម្តេចធិបតី ហ៊ុន ម៉ាណែត បញ្ជាក់ជាថ្មីថា ព្រែកជីកហ្វូណន-តេជោ គឺដើម្បីសេដ្ឋកិច្ច មិនបម្រើផ្នែកយោធាបរទេសឡើយ