ភ្នំពេញ៖ អាជ្ញាធរបានប្រើកម្លាំងរាប់រយនាក់ ក្នុងការទប់ស្កាត់រារាំងប្រជាសហ គមន៍ និងក្រុមអង្គការក្រៅរដ្ឋាភិបាលដែលព្យាយាមចូលទៅជិតមន្ទីររដ្ឋភាជាតិ កាលពីព្រឹកមិញនេះដើម្បីធ្វើការតវ៉ាប្រឆាំងនឹងការអនុម័តច្បាប់គ្រប់គ្រងអង្គការ និងសមាគម ។
ក្រុមអង្គការសង្គមស៊ីវិល និងប្រជាសហគមន៍ ជាច្រើននាក់នៅព្រឹកថ្ងៃទី០៧កក្កដានេះ បានជួបជុំគ្នាសារជាថ្មី ហែក្បួន លើកបដា ស្រែមេក្រូ តវ៉ាជំទាស់នឺងច្បាប់ស្តីពីអង្គការ សមាគម និងសហជីព ដែលរដ្ឋសភានឹងអនុម័តនៅថ្ងៃទី១១ កក្កដាខាងមុខ។ក្បួនដង្ហែរបស់អង្គការសង្គមស៊ីវិលនេះត្រូវ អាជ្ញាធរសមត្ថកិច្ចរារាំងនៅរង្វង់មូលសម្តេចសង្ឃ ជួន ណាត ក្បែររដ្ឋសភាជាតិ។
សមត្ថកិច្ចនិយាយថាការជួបជុំគ្នានេះ ធ្វើឡើងនាំអោយប៉ះពាល់ដល់សណ្តាប់ធ្នាប់សាធារណៈ និងមិនមានការអនុញ្ញាតច្បាប់ជួបជុំជាមុន។ទោះបីជាអាជ្ញាធរ រារាំង យ៉ាងណាក៏ដោយ ក៏ក្រុមបាតុករនៅតែជម្នះ ហែក្បួនតវ៉ាជាបន្តបន្ទាប់ ក្នុងនោះមិនមានអំពើ ហឹង្សារណាមួយកើតឡើងនោះទេ។ក្រុមបាតុករបានផ្តើម រំសាយហើយនៅម៉ោង១២ថ្ងៃត្រង់នេះ៕
