បន្ទាយមានជ័យ : អតីតប្រធានស្នាក់ការត្រួតពិនិត្យច្រកទ្វារតំបន់បឹងត្រកួន បច្ចុប្បន្នជាមន្ត្រីសាលាខេត្តបន្ទាយមានជ័យម្នាក់បានស្លាប់នៅតាមផ្លូវ ខណៈជួបឧបទ្ទវហេតុគ្រោះថ្នាក់ចរាចរណ៍កាលពីវេលាម៉ោង៣និង៥០នាទីល្ងាចថ្ងៃទី១៩ ខែធ្នូ ឆ្នាំ២០១៩ លើកំណាត់ផ្លូវជាតិលេខ៦ ខាងលិចរោងម៉ាស៊ីនកិនស្រូវ ឈ្នួរមានជ័យ ប្រមាណ៤០០ម៉ែត្រ ស្ថិតក្នុងភូមិឈ្នួរមានជ័យ ឃុំឈ្នួរមានជ័យ ស្រុកព្រះនេត្រព្រះ។

យោងតាមសម្តីរបស់ពីនគរបាលចរាចរណ៍ខេត្ត បានឲ្យដឹងថា៖ ឧបទ្ទវហេតុនោះគឺផ្តើមឡើងដោយរថយន្តពីរគ្រឿងដែលបើកច្រាស់ទិសគ្នា បានបុកគ្នាពេញទំហឹង រថយន្តឆ្លាមនិងរថយន្តឆ្លាមបណ្តាលអោយស្លាប់ភ្លាមៗនៅនឹងកន្លែងចំនួនបីនាក់ក្នុងនោះម្នាក់ជាមន្ត្រីសាលាខេត្ត និងពីរនាក់ផ្សេងទៀតកំពុងសង្គ្រោះបន្ទាន់។

តាមការបញ្ជាក់ពីមន្ត្រីនគរបាលចរាចរណ៍អោយដឹងទៀតថា ដំបូងមានរថយន្ត១គ្រឿងម៉ាកកាមារីឆ្លាម ពណ៌ទឹកប្រាក់ ពាក់ស្លាកលេខ ភ្នំពេញ 2J.7269 បើកបរដោយឈ្មោះ ឈឿម គាថា (ហៅហ៊ីង) អនុប្រធានការិយាល័យប្រជាពលរដ្ឋ នៃរដ្ឋបាលខេត្តបន្ទាយមានជ័យក្នុងទិសដៅពីលិចទៅកើត និងរថយន្តម៉ាកកាមារីឆ្លាមមួយគ្រឿងទៀត ពណ៌ទឹកប្រាក់ដូចគ្នាពាក់ស្លាកលេខ ភ្នំពេញ. 2l.6294 មានអ្នករួមដំណើរចំនួន៤នាក់(អត់ស្គាល់អត្តសញ្ញាណ) បានធ្វើដំណើរពីទិសខាងកើតទៅលិច ហើយពេលមកដល់ចំណុចកើតហេតុ ខាងលិចរោងម៉ាស៊ីនកិនស្រូវឈ្នួរមានជ័យប្រហែល៤០០ម៉ែត្រ រថយន្តដែលបើកបរម្នាក់ឯងបានវ៉ាជែងរថយន្ត១គ្រឿងទៀតក្នុងស្ថានភាពគ្រោះ ក៏បានជ្រុលទៅបុករថយន្ត ដែលមកពីទិសផ្ទុយគ្នា បណ្តាលឲ្យអ្នកបើកបរទាំងសងស្លាប់ និងទារិកាអាយុ៨ខែម្នាក់ ស្លាប់នៅកន្លែងកើតហេតុ រីឯមនុស្សស្រី២នាក់ទៀតរងរបួធ្ងន់ ត្រូវបានដឹកទៅមន្ទីរដើម្បីពេទ្យសង្គ្រោះបន្ទាន់។រថយន្តទាំងពីរគ្រឿងខូចខាតធ្ងន់ ត្រូវបានយកមករក្សាទុកនៅអធិការដ្ឋានស្រុកព្រះនេត្រព្រះដើម្បីរងចាំដោះស្រោយពេលក្រោយ៕