មេដឹកនាំយោធាកំពូលរបស់តៃវ៉ាន់ម្នាក់ស្លាប់ក្នុងហេតុការណ៍ធ្លាក់ឧទ្ធម្ភាគចក្រ
តៃវ៉ាន់ ៖ លោក Shen Yi-ming នាយអគ្គសេនាធិការកងទ័ពតៃវ៉ាន់ បានទទួលមរណភាពហើយក្នុងឧបទ្ទវហេតុធ្លាក់ឧទ្ធម្ភាគចក្រមួយគ្រឿងម៉ាក Black Hawk នៅតំបន់ភ្នំភាគខាងជើងនៃកោះតៃវ៉ាន់ កាលពីព្រឹកថ្ងៃទី២ ខែមករា ឆ្នាំ២០១៩។
មនុស្ស៧នាក់ដែលនៅលើឧទ្ធម្ភាគចក្រនេះ ក៏បានស្លាប់ផងដែរ។ ក្នុងចំណោមអ្នកស្លាប់នេះ ក៏មានមន្រ្តីយោធាជាន់ខ្ពស់២រូបទៀតដែរ គឺលោក Yu Chin-wen អនុប្រធានការិយាល័យកិច្ចការសង្គ្រាម តៃវ៉ាន់ និងលោក Hung Hung-chin នាយរងសេនាធិការផ្នែកចារកម្មនៃក្រសួងការពារតៃវ៉ាន់។ ពីឡុតនៃឧទ្ធម្ភាគចក្រនេះបានរាយការណ៍ពីស្ថានភាពអាកាសធាតុ មុនបាត់ការទាក់ទងក្នុងអំឡុងពេលហោះឆ្ពោះទៅកាន់ស្រុក Wulai៕
